Feb 5, 2016
Njia Rahisi Za Kukupa Hamasa Ya Mafanikio Wakati Mipango Yako Inapokwenda Vibaya.
Kuna
wakati ambapo katika safari yetu ya mafanikio, mambo huwa hayaendi sawa kama
tulivyopanga. Ni kipindi ambacho kinakuwa kigumu kwa wengi na kupelekea hata
hali ya kukata tamaa kuingia ndani mwetu. Natambua umeshawi kukutana na hali
kama hii wakati fulani kwenye maisha yako.
Je,
mipango na malengo yako ilipokwenda hovyo ni kipi ulichokuwa ukikiwaza? Ilifika
mahali ulikata tamaa au ulifanyaje? Kitu kikubwa cha kuelewa hapa, mambo yako
yanapokwenda hovyo isiwe sababu ya kukata tamaa, dawa ni kusonga mbele. Na
utaweza kusonga mbele ikiwa utakuwa na hamasa kubwa ya kufanikiwa. Na hamasa hiyo utaipataje?
Zifuatazo Ni Njia Rahisi Za Kukupa
Hamasa Ya Mafanikio Wakati Mipango Yako Inapokwenda Vibaya.
1. Tambua upo kwenye kipindi ambacho utakipita.
Pamoja
na kwamba unaweza ukawa unaona mipango yako imeenda vibaya kuliko kawaida,
lakini tambua upo kwenye kipindi cha mpito. Hautaweza kukaa katika hali mbaya
uliyopo siku zote. Ni lazima utavuka, hivyo kama ulikuwa umeanza kukata tamaa
nyanyuka ulipo kwani ushindi upo mbele yako unakusubiri.
 |
| USHINDI NI LAZIMA. |
2. Kuwa na watu chanya.
Mipango
yako unapojikuta imeenda hovyo kinyume na ulivyotarajia, njia bora nyingine ya
wewe kuweza kujihamasisha na kusonga mbele ni kuwa karibu na watu chanya. Hawa
ni watu watakaokusaidia kukupa hamasa na hamu ya kuendelea mbele. Pia watakusaidia
kukufariji na kukunyanyua zaidi pale ulipo kwama.
3. Panga malengo yako tena upya.
Najua
kama umekwama sehemu, ni rahisi sana ‘kupaniki’
na kuona kila kitu basi hakiwezekani tena. Lakini ukweli wa mambo ulivyo
inapotokea mambo yako yanapokwama, tuliza akili na weka mipango yako upya.
Kushindwa kwako mara moja kusikufanye ukashindwa kupanga malengo mengine. Panga
mambo upya ya kukufanikisha tena.
4. Ondoa hofu zote ulizonazo.
Haina
haja ya kubeba wasiwasi mwingi ndani yako eti kwa sababu umeshindwa mara
moja. Vaa moyo wa ujasiri na kuamua
kwamba ni lazima usonge mbele hata iweje. Kama kupanga malengo yako yapange
tena. Kushindwa kwako mara moja haimaanishi kwamba huo ndio mwisho wa mafanikio
yako tena. Unayo nafasi ya kujaribu na kufanikiwa. Usiruhsu kabisa hofu ikawa
kikwazo kwako.
Ukiamua
unaweza kufikia mafanikio yako makubwa bila ubishi.
Nikutakie
siku njema na mafanikio mema. Kumbuka endelea kutembelea DIRA YA MAFANIKIO kila
wakati, kwa ajili ya kujifunza na kuhamasika.
Kama
makala hii imekusaidia kwa namna moja au nyingine, fanya tendo la upendo kwa kumshirikisha
na mwingine aweze kujifunza kupitia mtandao huu.
Ni
wako rafiki katika mafanikio,
Imani
Ngwangwalu,
Kama
una maswali, changamoto au ushauri wa kibiashara, usisite kuwasiliana nasi
kwa:-
Simu;
0713 048035,
Subscribe to:
Post Comments
(
Atom
)
No comments :
Post a Comment
Note: Only a member of this blog may post a comment.