Jan 13, 2016
Haya Ndiyo Mambo Unayolazimika Kuwa Na Mashaka Nayo Katika Maisha Yako.
Ili
kufanikiwa unatakiwa kujiamini na kutokuwa na wasiwasi na mambo mengine ambayo
yanaweza kukuzuia kufanikiwa. Lakini pamoja na umuhimu huo wa kujiamini na kutokuwa
na mashaka au wasiwasi wa kitu chochote lakini yapo mambo ambayo ni lazima
uyawekee mashaka ili ufanikiwe.
Inapotokea
mambo hayo ukayapokea jinsi yalivyo, bila kujiuliza au kuyawekea mashaka yoyote
ni wazi utakuwa umejitengezea mazingira ya kushindwa wewe mwenyewe. Kwa kuweka
mashaka hayo itakusaidia sana kusonga kwa kuchukua hatua mbadala.
Siku zote……..
Kuwa
na mashaka hasa pale yanapotolewa majibu rahisi kwa tatizo ambalo ni kubwa. Lakini
sio hivyo tu, likiwa ni tatizo ambalo linatakiwa kutolewa majibu ya uhakika.
Hapo unatakiwa kuwa na mashaka kabisa na majibu hayo.
Kuwa
na mashaka na watu ambao hawakubaliani na wewe. Badala ya wewe kujiona hufai
kwa kutokubaliwa anza kuwatilia mashaka wao kwanza. Kwanini uwatilie mashaka?
Kwa sababu wameshidwa kutamba thamani kubwa iliyo ndani mwako.
Kuwa
na mashaka na njia zote ambao unaambiwa kwamba ukizitumia zitakupa utajiri wa
haraka. Hizo njia ni za kuogopa na kukwepa sana. Kama njia hizo zipo, basi watu
wengi wangekuwa matajiri sana. Hivyo, acha kuendelea kudanganywa kwa namna hiyo
tena.
 |
| KUWA NA MASHAKA KWA KILE USICHOKIELEWA. |
Kuwa na mashaka…
Kuwa
na mashaka na wale watu wote wanaokwambia uwaamini. Uaminifu kwa jinsi ulivyo
unakuja wenyewe kutokana na vitendo vyako. Lakini sio jambo la kuambiwa kirahisi tu kwamba ‘niamni ‘ na ukajenga uaminifu mkubwa.
Pia
siku zote kuwa na mashaka sana, kuishi maisha ambayo hayana mipango maalumu ya
uhakika. Haya ni maisha mabaya sana si kwako tu, bali hata kwa wengine. Kwa
yeyote anayeishi maisha haya ni vigumu sana kufikia mafanikio makubwa.
Kuwa
na mashaka sana kama upo kwenye safari ya mafanikio ambayo haina makosa.
Ukijiona upo kwenye safari hii, kwanza elewa kabisa inawezekana unafanya mambo
madogo sana na kama si hivyo inawezekana huchukui hatua. Mafanikio wakati
mwingine yanakuja kwa kukosea, kama hukosei kabisa unategemea nini?
Kuwa na mashaka…
Siku
zote kuwa na mashaka na kile kipindi ambacho hasira inataka kukuendesha wewe.
Unapokuwa na hasira halafu ukaona unaanza kuchukua maamuzi ya upesi, kuwa
makini sana hali hiyo. Hicho ni kipindi unachotakiwa kuwa nacho makini sana, la
sivyo utaharibu mengi.
Kuwa
na mashaka na tabia ya kufuata kila wanachofanya wengine. Hii na tabia
inayowapoteza wengi sana katika kufikia mafanikio makubwa. Badala ya mtu
kufuata kile kilichopo kwenye malengo, wengi wanakuwa wanafuata watu wengine.
Kama una tabia hii kuwa na mashaka nayo sana.
Kuwa
na mashaka na wale wanaofanya kazi kidogo na kutegemea kupata matokeo makubwa.
Hawa ni watu wa kuwa nao makini sana siku zote za maisha yako. Ili uweze
kufanikiwa unahitaji kufanya kazi haswaa, ila kama utafanya kidogo na kutegemea
makubwa hapo kuna mashaka tena.
Kuwa na mashaka…
Kuwa
na mashaka sana na watu wote wale wanaotegemea mambo mazuri yatakuwa kesho na
hakuna mipango inayowekwa. Hawa ni watu hatari sana. kila siku, kila mwaka
wataongea hivyo, lakini hakuna utendaji wa maana unaotokea. Kuwa na mashaka
sana na watu hawa.
Kuwa
na mashaka na jambo ambalo ukitaka kulifanya ukaliweza moja kwa moja. Jambo
ambalo linaweza kukupa mafanikio makubwa ni lile ambalo linaweza likakupa
changamoto kubwa na nzito katika maisha yako. Mambo mepesi hayawezi kukutoa
kwenye umaskini.
Kuwa
na mashaka na watu wote wanaokata tamaa na kuamua kuzika ndoto zao mapema. Hawa
ni watu hatari sana kwako ambao unatakiwa kuwaogopa. Kitendo cha kuwa na watu
hawa ni rahisi kukufanya hata wewe usiweze kufanikiwa. Kuwa na mashaka nao.
Kuwa na mashaka…inaweza
ikawa ni njia bora ya kukusaidia kuboresha maisha yako.
DAIMA
TUPO PAMOJA MPAKA MAISHA YAKO YAIMARIKE,
Ni
wako rafiki katika mafanikio,
Imani ngwangwalu,
Kama
una maoni, ushauri au changamoto yoyote inayokuzuia kufikia mafanikio yako
wasiliana nasi kwa:-
Simu;
0713 048 035,
Subscribe to:
Post Comments
(
Atom
)
No comments :
Post a Comment
Note: Only a member of this blog may post a comment.