DIRA YA MAFANIKIO

Badili maisha yako sasa kwa kuwa na fikra sahihi.

Tuesday, February 20, 2018

Usitegemee Kufanikiwa Kama Hautafanya Jambo Hili Mapema.

No comments :
Kufanya maandalizi ya kitu chochote kile ni jambo la muhimu sana kwako na pia ni moja ya dalili nzuri kwamba unajiandaa kuwa mshindi kwa kitu hicho unachokifanya. Kama haufanyi maandalizi ni rahisi tu kushindwa na hilo halina ubishi.
Ndio maana unaona mwanafunzi ni lazima ajiandae mapema ili aweze kufaulu mtihani wake, ndio maana unaona mkulima anaandaa shamba lake mapema pia ili wakati wa kilimo ukifika ili aweze kufanikisha kilimo chake.
Hiyo haitoshi unaona pia, mwana riadha anaanza kufanya mazoezi mapema  ya kukimbia ili wakati ukifika aweze kushinda mbio hizo, hiyo yote inaonyesha maandalizi ni kitu cha muhimu sana kwa ushindi wowote ule.
Hakuna mshindi anayetokea au kuibuka tu kiholela pasipo kuwa na maandalizi yale ya mwanzo ya kuweza kujifua haswaa ili kutengeneza ushindi huo. Kila ushindi unaouona umetokezea kwa nje, ujue kabisa ushindi huo umeandaliwa na haujaja kwa bahati.
Unapaswa ukumbuke pia hata wakati ule wa Nuhu. haikuwa kipindi cha mvua au gharika wakati Nuhu anajenga safina, bali Nuhu alifanya maandalizi ya mapema na gharika inayokuja mbele yake na hilo kweli lilikuja kutokea.

Halikadhalika na wewe unatakiwa kujenga maisha yako kwa ubora sana kipindi ambacho mambo yako hayajaanza kuharibika au mambo hayajaanza kubanana na mpaka ukasombwa na gharika ya changamoto.
Unatakiwa kujua kwamba wakati wa kutengeneza maisha yako ni sasa wakati bado una nguvu za kutosha ni si baadae. Huu ndio wakati wa kutengeneza safina ya maisha wakati hali, nguvu na muda wako bado vinakuruhusu.
Kitafika kipindi ambacho hautakuwa na uwezo huo yaani muda utakuwa huna, na wala nguvu utakuwa huna. Angalia sana usije ukaanza kulia kama wale watu waliokuwa wakimlilia Nuhu wafungulie kwenye safina, lakini akawaambia hakufunga yeye mlango.
Hata wewe angalia usije ukafika muda ambao utaanza kuwalilia watoto wako, ukaanza kuwalilia wajukuu wako wakati utakapoanza kusombwa na maji na ukiangalia ulishindwa kujenga safina yako mapema. Wakati wa kufanya na kukazana ni sasa na si kesho.
Kwa nini usubiri mabaya ya kukute ili upambane nayo wakati una uwezo wa kujindaa sasa mapema na kuyaepuka. Huhitaji kusubiri kitu, unahitaji kufanya kitu kwa ajili ya maisha yako ya kesho bila kujali hli uliyonao kwa sasa ni ipi.
Hebu nikuulize kitu, kama utashindwa kutengeneza maisha yako sasa na yakaonekana yana maana, je, utaweza kweli ukishazeeka. Hapo ulipo ni kijana umeshindwa je, ikifika uzeeni utaweza? najua hutaweza hata ufanyaje.
Ndio maana unatakiwa kuweka juhudi sana za kuhakikisha unafanya kila kinachowezekana wakati bado damu yako ina chemka, wakati bado una nguvu ili ufanikiwe. Nikwambie tu ukisubiri, jiandae kusombwa na gharika ya changamoto za maisha.
Na ubaya wa gharika inakuwa haina msamaha au hakuna kupona, ikikukuta ujue ndio tayari umeshaenda. Kwa hiyo usikubali kupoteza maisha yako ya mafanikio kwa sababu ya kushindwa kufanya maandalizi mapema.
Kuanzia sasa fanya maandalizi mapema kwa kila kitu ambacho unachokifanya. Usipofanya maandalizi mapema utaanguka na utajiangusha wewe mwenyewe na kutakuwa hakuna mtu ambaye ataweza kukuamsha tena.
Ndiyo maana, unatakiwa uweke akiba mapema kipindi ambacho kabla hujaishiwa. Unatakiwa uzime moto mapema, kabla moto haujawaka vya kutosha. Ni muhimu kufanya maandalizi mapema ya chochote kile ukifanyacho ili ikusaidie kuwa mashindi.
Kama hautafanya maandalizi ya mapema kwa chochote unachokifanya kushindwa hautaweza kukwepa hata kidogo. Kumbuka hata Nuhu alijenga safina mapema, kabla hata gharika haijafika. Tafakari na chukua hatua.
Fanyia kazi haya na chukua hatua kuhakikisha ndoto zako zinatumia.
Tunakutakia kila la kheri na endelea kutembelea dirayamafanikio.blogspot.com kila siku kujifunza maisha na mafanikio.
Pia rafiki, kama unapenda kujifunza zaidi kuhusu mafanikio, fursa za mafanikio zinapopatikana, ajira pamoja na uwekezaji, karibu kwenye kundi la WHATS APP LA MAFANIKIO, kujiunga tuma neno THE UNIVERSITY OF WINNER’S kwenda 0713 048 035, hapo utapata utaratibu mzima wa kujiunga.
Pia kama wewe ni mfugaji wa kuku na unahitaji vifaranga bora, waone DM POULTRY FARM PROJECT kwa huduma ya uhakika. Hawa ni wauzaji wa vifaranga wa kuku aina ya KUROILER, SASSO, PURE KIENYEJI na KUCHI. Kwa mahitaji ya vifaranga wasiliana nao kwa 0767 048 035 au 0686 141097 na wote mnakaribishwa.
DAIMA TUPO PAMOJA MPAKA MAISHA YAKO YAIMARIKE,
Ni wako rafiki katika mafanikio,
Imani Ngwangwalu,
Mshauri wa mafanikio, mwandishi na mjasiriamali,
Blog; dirayamafanikio.blogspot.com,
Mawasiliano; +255 767 048 035, +255 713 048 035,
Email; dirayamafanikio@gmail.com









Monday, February 19, 2018

Mambo Ambayo Huwezi Kuyakwepa Unapotafuta Mafanikio Yako.

No comments :

Katika safari ya mafanikio, yapo mambo ambayo huwezi kuyakwepa hata ufanyaje, mambo hayo ni lazima ukutane nayo. Kuna wakati mambo hayo yanakuwa yanakatisha tamaa sana usipokuwa makini yanaweza kukuangusha. Leo nataka tuyazungumzie mambo haya ambayo huwezi kuyakwepa kwenye safari ya mafanikio yako;-
1. Kupoteza baadhi ya marafiki.
Unapatafuta mafanikio yako kuna wakati unatapoteza marafiki zako ambao unaona hamuendani. Sio marafiki wote mtaokaoweza kwenda nao kwenye safari ya mafanikio. Kuna marafiki utawapoteza kwa sababu hawakusaidii kuweza kufikia kule unakotaka. Inapotekea hivyo usishangae huo ndio ukweli, hakuna namna  zaidi ya kuachana nao.
2. Kufikiri kama unachanganyikiwa.
Kuna wakati vitu vinakua vingi sna kichwani mpaka unaoana kicwa kinawaka moto au unahisi kama vile unachanganyikiwa. Hizi ni hali zinatokea sana kwa mtu yeyote ambaye ni mtafuta mafanikio.  Ukiona kila wakati umetulia na kichwa hakikusumbui, utambue bado hujafikia hatua hiyo ya kutafuta mafanikio yako kwa kasi.

3. Kupatwa na maumivu.
Huwezi kukwepa kukutana na maumivvu unapotafuta mafanikio yako. Kuna wakati utakutana na maumivu ya kukataliwa, kuna wakati utakutana na maumivu ya kupata hasara. Huu ni mojawapo ya mlolongo mchache wa maumivu ambayo unaweza kukutana nayo kwenye safari  ya kutafuta mafanikio yako.
4. Kupoteza pesa.
Upo wakati utafika utapoteza hata pesa zako ikiwa kama hujapoteza. Hilo ni jambo mojawapo pia ambalo unatakiwa ulijue kwamba lipo kwenye safari ya mafanikio yako.  Unapopoteza pesa zako, tafadhari usikate tamaa, hiyo ni dalili tosha ya mafanikio mengine makubwa yanakuja kwako, kikubwa ongeza juhudi na tafuta pesa zingine.
5. Kukatishwa tamaa.
Kipo kipindi wakati unatafuta mafanikio yako utakatishwa tamaa na rafiki zako, ndugu zako na hata mumeo au mkeo kwamba ndoto hizo haiwezekani kwako kuweza kuzifikia. Yote hayo unapaswa kuyajua kwamba yanaweza yakakutokea na hutakiwi kukata tamaa, unatakiwa ujue hali hiyo ipo na unatakiwa kupambana nayo.
6. Utakuwa unajitilia shaka sana.
Pia ni lazima utafika wakati utakuwa unajitilia shaka kwa kuona kwamba huwezi kitu. Kila unapoangalia ndoto zako na kuona ni kubwa unakuwa unawaza sana kwamba ‘kweli nitaweza hili.’ Lakini hapa naomba nikwambie unaweza, haijalishi umejitilia shaka mara elfu moja lakini unao uwezo wa kuweza kusonga mbele kwenye maisha yako.
7. Utakosolewa sana.
Wakati unatafuta mafanikio kuna muda utafika kila unachotaka kufanya unakosolewa na wengine kwamba kitu hicho hakifai. Usipokuwa makini utakuwa unaacha kila kitu kwa kusikiliza maneno ya watu wa nje. Kikubwa hapa iamini ndoto yako na usisikilize mtu kwamba huwezi hili au lile, wewe jiamini na fanya.
8. Utashambuliwa bila sababu.
Kuna watu watajitokeza watu kukutuhumu wewe ni mtu wa kudhulumu, au wewe pesa zako unatafuta kwa njia ambazo sio halali.  Na watakwambia maneno mengine mengi, lakini ukweli utakuwa unaujua wewe ni kipi ambacho unakifanya, kwa hiyo unatakiwa usimame imara pasipo kuteteleka kwa kusikiliza maneno ya watu.
Haya kwa kifupi ni baadhi ya mambo ambayo ni lazima ukutane nayo katika safari yako ya mafanikio. Mambo haya yanapojitokeza kwako yasikukatishe tamaa hata kidogo bali yakupe chachu ya wewe kuweza kusonga mbele. Watu wenye mafanikio wanakabiliana sana na mambo kama haya na mwisho lakini hushinda.
Fanyia kazi mambo haya na chukua hatua kuhakikisha ndoto zako zinatumia.
Tunakutakia kila la kheri na endelea kutembelea dirayamafanikio.blogspot.com kila siku kujifunza maisha na mafanikio.
Nakukumbusha pia, kama unapenda kujifunza zaidi kuhusu mafanikio, fursa za mafanikio zinapopatikana, ajira pamoja na uwekezaji, karibu kwenye kundi la WHATS APP LA MAFANIKIO, kujiunga tuma neno THE UNIVERSITY OF WINNER’S kwenda 0713 048 035, hapo utapata utaratibu mzima wa kujiunga.
Pia kama wewe ni mfugaji wa kuku na unahitaji vifaranga bora, waone DM POULTRY FARM PROJECT kwa huduma ya uhakika. Hawa ni wauzaji wa vifaranga wa kuku aina ya KUROILER, SASSO, PURE KIENYEJI na KUCHI. Kwa mahitaji ya vifaranga wasiliana nao kwa 0767 048 035 au 0686 141097 na wote mnakaribishwa.
DAIMA TUPO PAMOJA MPAKA MAISHA YAKO YAIMARIKE,
Ni wako rafiki katika mafanikio,
Imani Ngwangwalu,
Mshauri wa mafanikio, mwandishi na mjasiriamali,
Mawasiliano; +255 767 048 035, +255 713 048 035,








Saturday, February 17, 2018

Hii Ni Hatua Muhimu Sana Katika Mafanikio Yako, Unatakiwa Uifanyie Kazi Kikamilifu.

No comments :
Najua kabisa kuna vitu ambavyo hapo ulipo tayari umeshafanya hata kama ni vidogo sana lakini umefanya. Hivyo vitu vinaonyesha kuna hatua ambazo tayari umeshachukua ndio maana upo hapo.
Huwezi kusema wewe hapo ulipo hujachukua hatua yoyote, kila mtu anachukua hatua ya aina fulani kwenye maisha yake, hata kama hatua hiyo ni ya kurudi nyuma lakini hatua hiyo tayari imeshachukuliwa.
Watu wengi wanakwama kwenye maisha kwa sababu tu ya kuishia kwenye zile hatua ambazo tayari wameshachukua na kusahau hatua moja ya muhimu sana kwao. Hatua hii ndiyo ambayo mimi na wewe tunatakiwa kuichukua kila wakati ili kufanikiwa.
Moja ya hatua muhimu sana kwenye maisha yako unayotakiwa kuichukua na ambayo naizungumzia hapa ni hatua inayofuata au unaweza kuiita ‘next step’ ikiwa utaamua kutumia lugha ya watu. Watu wengi wanashindwa kupiga hatau kwa sababu ya kusahau hatua hii.
Utakuta mtu alikuwa na mipango fulani na kweli kaifanikisha. Kutokana na kuifanikisha mtu huyu anajisahau na kuridhika sana na pale alipo na kusahau hatua inayofuata baada ya hapo ni hatua gani ambayo ni muhimu zaidi kwake.
Kwa sababu unatakiwa ujue ukishafanikiwa katika jambo la kwanza,  hatua inayofuata kwako ni hatua gani? Pasipo kujua hatua inayofuata yaani ‘next step’ huwezi kusogea na utajikuta unaanza kufanikiwa kwa kwenda nyuma badala ya mbele.
Kama nilivyokwambia maisha ya wengi yamekwama kwa sababu ya kusahau hatua inayofuata ni ipi. Ni kweli ulitafuta kazi umepata, hatua sasa inayofuata hapo ni nini? Kama una ndoto za kubaki hapo kwenye hiyo kazi milele ujue kabisa umesahau ‘next step’ yako.
Unaposhindwa kujua ni nini ufanye ili kuboresha kazi yako na maisha yako kwa ujumla, kwa kuzingatia hatua inayofuta unatakiwa ujue unajiangusha wewe mwenyewe. Huwezi kusonga mbele kimafanikio kama unasahau hatua inayofuta au huizingatii.
Hatua inayofuata inatengeneza muunganiko kati ya hatua ulizochukua tayari  na kule unakotaka kwenda. Kama unakuwa huchukui hatua inafyofuata ujue kabisa utaanza kuporomoka katika kufanikiwa kwako.
Mafanikio makubwa yanatengenezwa na wale watu ambao wako tayari kuchukua hatua inayofuata, pasipo kujali hatua inayofuata ni ndogo au kubwa kiasi gani. Kikubwa unatakiwa kuchukua hatua nyingine baada ya hatua ya kwanza kukamilika.
Wajasiriamali wanaofikia ndoto zao na kuwa wafanyabiashara wakubwa kabisa, ni watu ambao kila wakati wapo tayari kuchukua hatua inayofuata. Kuhusu hilo wanalijua na wanaelewa umuhimu wa kuchukua hatua inayofuta.
Kuanzia sasa unatakiwa ujue kwamba hata kama umefanikiwa kwa kiasi kikubwa sana, lakini ipo hatua inayofuata kwako. Hatua hiyo ni muhimu sana kwa sababu itakufikisha tena kwenye mafanikio mengine makubwa zaidi ya hapo.
Ukiona unashindwa kuchukua hatua inayofuata, kinachofuata kwako hapo baada ya muda usishangae sana mafanikio yako yakaanza kuporomoka kwa kasi kubwa sana kwako. Kuchukua hatua inayofuta ni jambo la lazima kwako.
Huu ni wakati kwako wa kuchukua hatua inayofuata baada ya hatua ya kwanza ambayo umeifanikisha imekamilka. Unatakiwa kujiuliza hatua yako ya pili ni ipi, ambayo inafuata baada ya hiyo, ukiijua hatua ya inayofuata haraka sana chukua hatua pasipo kusita kitu.
Utatengeneza maisha ya mafanikio ikiwa utajua namna ya kutumia hatua inayafuata. Ukumbuke pia hii ni hatua muhimu sana kwa mafanikio yako unayoyatafuta. Anza kujenga ushindi mkubwa maisha yako kwa kuchukua hatua inayofuata.
Fanyia kazi haya na chukua hatua kuhakikisha ndoto zako zinatumia.
Tunakutakia kila la kheri na endelea kutembelea dirayamafanikio.blogspot.com kila siku kujifunza maisha na mafanikio.
Pia rafiki, kama unapenda kujifunza zaidi kuhusu mafanikio, fursa za mafanikio zinapopatikana, ajira pamoja na uwekezaji, karibu kwenye kundi la WHATS APP LA MAFANIKIO, kujiunga tuma neno THE UNIVERSITY OF WINNER’S kwenda 0713 048 035, hapo utapata utaratibu mzima wa kujiunga.
Pia kama wewe ni mfugaji wa kuku na unahitaji vifaranga bora, waone DM POULTRY FARM PROJECT kwa huduma ya uhakika. Hawa ni wauzaji wa vifaranga wa kuku aina ya KUROILER, SASSO, PURE KIENYEJI na KUCHI. Kwa mahitaji ya vifaranga wasiliana nao kwa 0767 048 035 au 0686 141097 na wote mnakaribishwa.
DAIMA TUPO PAMOJA MPAKA MAISHA YAKO YAIMARIKE,
Ni wako rafiki katika mafanikio,
Imani Ngwangwalu,
Mshauri wa mafanikio, mwandishi na mjasiriamali,
Mawasiliano; +255 767 048 035, +255 713 048 035,

Friday, February 16, 2018

Ijue Misingi Hii Ya Fedha, Maisha Na Mafanikio Inavyofanya Kazi.

No comments :

Hakuna unachoweza kusema unakipata kwenye maisha yako kwa kubahatisha. Kila kitu unachopata kwenye maisha yako ni matokeo ya msingi ambao unakuwa umejiwekea. kama umejiwekea misingi mibovu, ujue utapata matokeo mabovu pia. 
Ni matumaini yangu wewe uweze kujifunza misingi sahihi ya mafanikio yako ili uweze kufanikiwa. Ni misingi hii sahihi ya fedha, maisha na mafanikio, ndiyo ambayo mimi na wewe nataka tuifatilie kwenye somo hili na kujifunza jinsi ya kuifanyia kazi kila siku.
1. Kipato unachokipata si sawa na utajiri. Sio kile unachokipata ndio kinakufanya uweTAJIRI bali kile unachowekeza ndicho kinachokufanya uwe tajiri. Kosa kubwa wanalofanya wengi ni kuweka akiba na kuitumia kwenye mambo ambayo hayana uwezo wa kuwasaidia KUFANIKIWA.
2. Utafiti unaonyesha ni asilimia mbili tu ya wazee wanaofikisha miaka 65 ni hao ndio wanakuwa wako huru kifedha. Asilimia kubwa inayobaki wanabaki wakiwa na maisha magumu sana na ya kuteseka. Hutakiwi kuwa miongoni mwa kundi la watakaoteseka, badilika sana na kuanza kuwekeza.
3. Utajiri haujengwi kwa siku, utajiri unajengwa kwa idadi ya miaka. Unatakiwa kuwa mtulivu sana hasa pale unapoamua kujenga utajiri wako na hutakiwi kuwa na papara, tulia, weka mipango na utafanikiwa. Ila kama utautaka utajiri wa siku moja tu, ni ngumu sana kufanikiwa, unatakiwa kuwa na mipango ya muda mrefu.

4. Uchaguzi unao wewe kwenye maisha, kupanda na kusubiri mavuno au kuwa omba omba katika kile kipindi cha mavuno ambapo tayari kuna watu walipanda wakati wa nyuma.
5. Unachotakiwa kujiuliza, je, ukipewa nafasi ya kuishi miaka 90, utakuwa na pesa za kukuwezesha kuishi miaka hiyo au utategemea msaada kwa watoto wako na watu wengine, tafakari hilo kama utaona hutajiweza, kisha weka utani pembeni na ongeza juhudi sana za kutafuta pesa.
6. Moja kati ya kitu cha kushitua sana katika maisha ya siku hizi, kila mtu ukimuuliza kwamba ana mkopo sehemu, idadi kubwa sana watasema ndiyo. Utafikiri swali hilo umeuliza nani ni binadamu. Usijenge tabia sana ya kuazima pesa, jenga tabia ya kuazima watu pesa na si kuazima.
7. Haina haja ya kulalamika sana, unatakiwa ujifunze kwa bidii na hadi ukaelewa namna ya kuongeza pesa ulizonazo zikawa hata mara tano. Huhitaji wewe mshahara mkubwa. unachohitaji ni juu ya kujua jinsi unavyoweza kuongeza pesa ulizonazo na ukafanikiwa kwa asilimia kubwa.
8. Ikiwa leo maisha yako ya uzeeni yataishia kwenye umaskini, sio swala la kumlaumu Mungu. Unatakiwa kujilaumu wewe kwa kushindwa kwako kufanya uchaguzi sahihi wa kupanda katika kipindi cha kupanda na kuvuna katika kipindi cha mavuno na si kuwa ombaomba.
9. Mkakati wa kuwekeza kwa muda mrefu unatakiwa uwe na mambo haya yafuatayo:-
 Moja, wekeza kila mwezi, kwa muda usiopungua miaka 20 kutokana na kipato unachokipata bila kujali kipato hicho ni kidogo kiasi gani.
Mbili, wekeza kila mwezi bila kujali, huo mwezi ni una Tsunami, una maafa au mwezi una mafuriko ya kiasi gani. Ila unachotakiwa kufanya ni kuwekeza angalau kila mwezi kwa kile unachokipata, hakuna haja ya kutoa sababu au kisingizio chochote.
10. Ukitaka kujenga utajiri wako na ukafika mbali kweli, amua kuujenga utajiri wako kama kobe. Chukulia kama hizo ni mbio za muda mrefu, usikurupuke kujenga utajiri wako utakwama sana.
Fanyia kazi misingi hii  na chukua hatua kuhakikisha ndoto zako zinatumia.
Tunakutakia kila la kheri na endelea kutembelea dirayamafanikio.blogspot.com kila siku kujifunza maisha na mafanikio.
Pia rafiki, kama unapenda kujifunza zaidi kuhusu mafanikio, fursa za mafanikio zinapopatikana, ajira pamoja na uwekezaji, karibu kwenye kundi la WHATS APP LA MAFANIKIO, kujiunga tuma neno THE UNIVERSITY OF WINNER’S kwenda 0713 048 035, hapo utapata utaratibu mzima wa kujiunga.
Pia kama wewe ni mfugaji wa kuku na unahitaji vifaranga bora, waone DM POULTRY FARM PROJECT kwa huduma ya uhakika. Hawa ni wauzaji wa vifaranga wa kuku aina ya KUROILER, SASSO, PURE KIENYEJI na KUCHI. Kwa mahitaji ya vifaranga wasiliana nao kwa 0767 048 035 au 0686 141097 na wote mnakaribishwa.
DAIMA TUPO PAMOJA MPAKA MAISHA YAKO YAIMARIKE,
Ni wako rafiki katika mafanikio,
Imani Ngwangwalu,
Mshauri wa mafanikio, mwandishi na mjasiriamali,
Mawasiliano; +255 767 048 035, +255 713 048 035,



Thursday, February 15, 2018

Mbinu Za Kujitengenezea Maisha Mengine Nje Ya Ajira.

No comments :

Inawezekana ukawa umeajiriwa na miaka nenda na miaka rudi hujawahi kufanya kitu cha msingi, au inawezekana bado umeajiriwa na unasubiri mafao tu. Ninachotaka kukwambia ni kwamba ni lazima uwe na akili nyingine ya ziada itakayokufanya uweze kutengeneza maisha mengine zaidi ya ajira uliyonayo.
Na hayo maisha mengine ili uweze kuyaishi hayo unaweza kujikita katika kufanya biashara au kujiingiza katika suala zima la kufanya ujasiliamali. Haiwezekani ukaendelea kuishi kwenye ajira tu peke yake miaka nenda rudi, kipo kipindi uwe na uhakika utakwama kama usipoingia kwenye ujasiriamali.
Na ili uweze kufanya hivyo unatakiwa kufanya mambo yafutayo;-

1. Dhibiti matumizi yako ya pesa.
Moja kati ya matatizo ambayo yanayowakumba watu waliojariwa ni kwamba wanashindwa kudhibiti matumizi yao ya fedha, Wengi wao wanashindwa kufanya hivyo kwa sababu wana imani hata pesa ikisha mwisho wa mwezi wana uhakika wakupa pesa nyingine.
Kwa minajili hiyo ndio maana watu hao wanashindwa kuanzisha miradi ya msingi na hivyo kupelekea watu wao kuwa na matumizi mengi ya pesa. Hivyo ili uweze kuanzisha mradi wako ukiwa umejiliwa hakikisha unadhibiti kiwango chako cha matumizi ya pesa katika kila mshahara unaopata.
2. Usitegemee kipato kimoja.
Jambo la pili ni kwamba ukiwa bado umeajiliwa hakikisha ya kwamba hutegemei kipato kimoja cha kukupatia pesa, bali kuwa na vyanzo vingi vya kuweza kujingizia kipato wewe mwenyewe. Ili kufanya hivyo ni vyema ukajikita katika masuala ya ubunifu na ujasiliamali kwa ujumla.
Kubaki na kipato kimoja ni hali ya hatari sana kwako. Unatakiwa una vipato vingi ambavyo vitakuwezesha wewe kuweza kuishi maisha nje ya ajira. Ikiwa hautafanya hivyo itabaki kwako hadithi ya kutokufanikiwa. Ni muhimu sana kutengeneza vyanzo vingi vya pesa ili kuishi maisha nje ya ajira.
3. Tumia mshahara kuanzisha mradi.
Katika hili ni kwamba ili uweze kujitengezee maisha mengine nje ya ajira, kwa hicho kiwango kidogo au kikubwa cha mshahara unachokipata hakikisha ya kwamba unatenga asilimia fulani kwa jinsi utavyoona wewe ili kuanzisha mradi wako binfsi itakayokufanya ufurahie maisha unayoishi.
Mpaka kufikia hapo hatuna na ziada tukututane tena siku nyingine hapa DIRA YA MAFANIKIO kila siku kujifunza maisha na mafanikio.
Ndimi afisa mipango Benson Chonya,

Wednesday, February 14, 2018

Ukishindwa Kuzingatia Mambo Haya Mawili Tu, Utakwama.

No comments :

Kila mtu anapanda kwenye ngazi ya mafanikio yake. Kila mtu anakimbilia ngazi ya mafanikio yake, pasipo kujali ni kitu gani ambacho anakifanya, lakini kila mtu yupo kwenye ngazi ya kuelekea kwenye mafanikio yake kwa namna fulani hivi.
Tatizo la watu wengi wanapokuwa wanapanda ngazi ya mafanikio yao, badala ya kwenda juu wanakua ni watu ambao wanapanda ngazi hiyo kwa kushuka chini. Unaweza usinielewe kiurahisi, lakini ndivyo watu wanavyofanya hivyo.
Yapo mambo ambayo kwa kawaida huwa yanachangia katika watu hao badala ya kupanda ngazi ya mafanikio kwa kwenda juu na wao wanakwenda chini. Mambo haya naweza yakawa yanafahamika kwa wengi au yasifahamike kwa namna yoyote ile.
Lakini jambo mojawapo ambalo linaweza likafanya mtu badala ya kupanda ngazi yake ya mafanikio na hadi kuweza kufanikiwa, anajikuta anarudi nyuma  hio yote ni kutokana na matumizi ya muda wake. Muda unaoutumia unautumia vipi.
Ni watu wengi sana ambao matumizi ya muda wao hayajakaa sawa. Mara nyingi sana watu hawa hawafanyi vitu vya kuwasaidia kulingana na muda wao walionao. Ni watu wa kufanya sana vitu vinavyowakwamisha na kuwarudisha nyuma kimafanikio.

Ni hatari sana na ni ngumu kuweza kupanda ngazi ya mafanikio na kuweza kufanikiwa kama matumizi yako ya muda unayatumia kwa vitu ambavyo si sahihi yaani vitu vinavyoukwamisha na kukurudisha nyuma.
Kuutumia muda wako hivyo hiyo ni sawa na kuamua kurudisha mafanikio yako kwa kurudi nyuma. Unaweza ukawa unaona unapanda ngazi ya mafanikio yako vizuri, kumbe unaigiza yaani unarudi nyuma kimafanikio.
Unatakiwa ujue namna ya kutumia muda wako vizuri sana ili uweze kupanda ngazi yako ya mafanikio kwa ufasaha na kuweza kufanikiwa.  Kama utakuwa unatumia muda wako hivyo tu kila wakati ujue kabisa unajiangusha wewe kwa kurudi nyuma.
Jambo la pili, ambalo linaweza likafanya upande ngazi yako ya mafanikio kwa kushuka chini badala ya kwenda juu ni nguvu zako. Inatakiwa ifike mahali utambue nguvu zako unazitumia kwenye mambo gani.
Haiwezekani kufanikiwwa kama nguvu zako unazielekeza sana kwenye mambo ambayo hayawezekani yaani mambo ya hovyo. Ni vyema kutumia nguvu zako kwenye mambo ambayo yanakupa mafanikio na sio kinyume cha hapo.
Kama unaona kuna jambo linakupotezea nguvu zako, bila kujali nguvu zako ni za kufikiri au kusema, lakini kama linakupotozea nguvu zako na wewe hufaidi na kitu chochote, nakushauri sana achana na jambo hilo mara moja kwani halikufai.
Watu wenye mafanikio hawapotezi nguvu zao hovyo, ni watu wa kuhakikisha wanatumia nguvu zao kwa ufasaha mkubwa sana. Na wewe unaweza ukawa ni miongoni mwao ukatumia nguvu zako vizuri na zikakusadia kufanikiwa.
Kwa namna yoyote hutakiwi kupote nguvu zako kwa kitu kinachokuridisha nyuma. Unatakiwa sana kuchunga nguvu zako na zikatumika vizuri kwa manufaa ya mafanikio yako makubwa ya leo na ya kesho pia.
Kitu cha kuzingatia hapa ni kwamba, ukishindwa kuzingatia mambo haya mawili yaani matumizi yako ya muda na matumizi yako ya nguvu zako, ujue utashindwa tu. Ni lazima kujua umuhimu wa kutumia nguvu zako na muda wako vizuri sana.
Haya mambo mawili ndiyo yanayowapa watu  mafanikio sana, nimesema muda na matumizi ya nguvu zako. Ukiwachunguza watu waliofanikiwa wanatumia muda na nguvu zao vizuri, watu hawa hawapotezi muda wao au nguvu zao kwa namna yoyote ile.
Kuanzia sasa, anza kutumia muda wako vizuri na anza pia kutumia nguvu zako vizuri. Usifanye vitu ambavyo vitakupotezea muda na nguvu zako. Haya ni mambo ya muhimu sana na kwenye mafanikio yako na vitakusaidia kufikia kwenye kilele cha mafanikio.
Fanyia kazi haya na chukua hatua kuhakikisha ndoto zako zinatumia.
Tunakutakia kila la kheri na endelea kutembelea dirayamafanikio.blogspot.com kila siku kujifunza maisha na mafanikio.
Pia rafiki, kama unapenda kujifunza zaidi kuhusu mafanikio, fursa za mafanikio zinapopatikana, ajira pamoja na uwekezaji, karibu kwenye kundi la WHATS APP LA MAFANIKIO, kujiunga tuma neno THE UNIVERSITY OF WINNER’S kwenda 0713 048 035, hapo utapata utaratibu mzima wa kujiunga.
Pia kama wewe ni mfugaji wa kuku na unahitaji vifaranga bora, waone DM POULTRY FARM PROJECT kwa huduma ya uhakika. Hawa ni wauzaji wa vifaranga wa kuku aina ya KUROILER, SASSO, PURE KIENYEJI na KUCHI. Kwa mahitaji ya vifaranga wasiliana nao kwa 0767 048 035 au 0686 141097 na wote mnakaribishwa.
DAIMA TUPO PAMOJA MPAKA MAISHA YAKO YAIMARIKE,
Ni wako rafiki katika mafanikio,
Imani Ngwangwalu,
Mshauri wa mafanikio, mwandishi na mjasiriamali,
Mawasiliano; +255 767 048 035, +255 713 048 035,





Tuesday, February 13, 2018

Hata Kama Unapitia Kwenye Mambo Haya, Nafasi Ya Kufanikiwa Bado Unayo.

No comments :

Hata kama unaona siku nyingi sana zinapita na kuona maisha yako kama yanarudi kila siku nyuma na wewe unafikiri ndio basi tena huwezi kufanikiwa, hiyo unatakiwa kutambua haiko hivyo, unayo nafasi nyingine ya kubadilisha maisha yako na kuweza kusonga mbele ukiamua.
Hata kama tena itaonekana kila rasilimali uliyokuwa nayo imepotea na wewe unaona giza limekufika na unafikia mahali unaona ndio basi tena haiwezekani kufanikiwa kwako, lakini bado tena nakwambia nafasi ya kufanikiwa kwako ipo.
Usijaribu kukata tamaa kabisa kwenye maisha yako, hata kama hali ulionayo inaonekana ni mbaya sana na haiwezekani tena kufanikiwa kwako, yale matumaini ya kukuwezesha wewe kufanikiwa yapo na yanakuja mbele yako.


Huna haja ya kulia sana au kujutia kila aina ya hali kwamba imenikwamisha. Kama ilivyo kuna giza hata liwe giza vipi kwamba ni lazima nuru itatokezea na hata wewe ni vivyo hivyo, ule uwezekano wa mafanikio yako utaanza kuonekana.
Kupitia ugumu wa maisha unaopitia,  unatakiwa kujifunza kuwajibika zaidi na kujifunza pia kupitia hayo magumu. Hapo inawezekana upo kwenye funzo la ukomavu zaidi wa maisha yako, hicho unapaswa kukijua pia.
Unapaswa kujua hata kutokee ugumu vipi wa maisha yako, lakini kama wewe umeamua kwamba utafanikiwa, hilo sina wasiwasi litatokea kwako. Hakuna kitakachokuzuia ikiwa ndani yako umeamua kufanikiwa.
Najua ni rahisi utateseka sana kwa hili ama lile katika haraka za kufikia mafanikio yako, lakini utafika mwisho ni lazima uweze kufanikiwa. Usikubali uwe mshindwaji kwenye maisha yako hata kitokee kitu gani.
Hata kama utapitia magumu haya, amua lakini kufanikiwa kwako ni lazima. Pawepo na mtu au kitu kitakachokufanya wewe ujihisi kwamba huwezi kufanikiwa. Mafanikio yanajengwa kwa wewe kuweza kujiamini na kuamua kusonga mbele.
Washindi katika mafanikio hawazuiliwi na hali yoyote ile inayotokea mbele yao. Ni kweli wana kutana na magumu, lakini huamua kukabiliana nayo sana kwa nguvu zote hata kuweza kufikia mafanikio ya mkubwa.
Na wewe unaweza ukawa mmoja wao, amua kufanikiwa leo pasipo kujali mazingira ni ya aina gani yanakuzunguka. Na ukifanya hivyo ni kweli utakuwa mshindi, kama tu hutajali unapitia kwenye kitu gani.
Fanyia kazi haya na chukua hatua kuhakikisha ndoto zako zinatumia.
Tunakutakia kila la kheri na endelea kutembelea dirayamafanikio.blogspot.com kila siku kujifunza maisha na mafanikio.
Pia rafiki, kama unapenda kujifunza zaidi kuhusu mafanikio, fursa za mafanikio zinapopatikana, ajira pamoja na uwekezaji, karibu kwenye kundi la WHATS APP LA MAFANIKIO, kujiunga tuma neno THE UNIVERSITY OF WINNER’S kwenda 0713 048 035, hapo utapata utaratibu mzima wa kujiunga.
Pia kama wewe ni mfugaji wa kuku na unahitaji vifaranga bora, waone DM POULTRY FARM PROJECT kwa huduma ya uhakika. Hawa ni wauzaji wa vifaranga wa kuku aina ya KUROILER, SASSO, PURE KIENYEJI na KUCHI. Kwa mahitaji ya vifaranga wasiliana nao kwa 0767 048 035 au 0686 141097 na wote mnakaribishwa.
DAIMA TUPO PAMOJA MPAKA MAISHA YAKO YAIMARIKE,
Ni wako rafiki katika mafanikio,
Imani Ngwangwalu,
Mshauri wa mafanikio, mwandishi na mjasiriamali,
Blog; dirayamafanikio.blogspot.com,
Mawasiliano; +255 767 048 035, +255 713 048 035,
Email; dirayamafanikio@gmail.com