DIRA YA MAFANIKIO

Badili maisha yako sasa kwa kuwa na fikra sahihi.

Tuesday, November 21, 2017

Usiruhusu Sauti Hii Ikakufanya Ukashidwa Kufanikiwa.

No comments :
Ni rahisi sana kwenye maisha yako kusikia hasa pale tunapofatilia ndoto zako mtu akakwambia kwa uwazi kabisa kwamba ndoto na mipango yako hiyo huwezi kutimiza labda tafuta kitu kingine cha kufanya.
Wengi tumesikia sauti hizi sana na tumekuwa makini nazo na hata kulaani wale wte waliotuambia kwamba hatuwezi kufanya hivyo. Lakini je, ukijiuliza hizo ndizo sauti unazotakiwa kuwa makini nazo sana tu peke yake.
Ni kweli sauti hizo zina madhara kwetu, ingawa mbali na sauti za nje ambazo zinakwambia huwezi hili au lile lakini kiukweli ndani yako unayo sauti ambayo mara nyingi ni chanzo kikubwa cha wewe kushindwa kwa chochote kile.
Sina shaka yoyote na wewe, najua umeshawahi kujiambia kwa kujiamini kwamba naweza kufanya jambo hili na nitalifanikisha, wengi hujiambia sana hivi hasa linapokuja swala la kuelekea kwenye kutimiza ndoto zao muhimu.

Hata hivyo pamoja na kujiambia hivi huku wakiwa na uhakika kwamba watakwenda kufanya vile walivyojiambia na kwamba inawezekana, lakini ndani mwao utashangaa inajitokeza sauti inayokwambia huwezi.
Sauti hii karibu kila mtu inampata. Sauti hii kwa wengi imewaambia sana hawawezi hata kwa yale mambo ambayo walikuwa wanaweza. Inatokea sana hata kama umejiaminisha unaweza, lakini sauti hiyo inakusisitizia huwezi.
Kikawaida sauti hii mara nyingi ipo sana ndani mwako. Unachotakiwa kufanya ili kuishinda sauti hii ni kujiambia naweza nyingi sana hadi uweze kufanikiwa. Lakini ikiwa utairuhusu sauti hii uwe na uhakika itakukwamisha na hutaweza kufika popote.
Sauti hii wewe unayo na mwingine yoyote anayo ila kikubwa unachotakiwa kufanya ni kujenga ule uwezo wa kupambana nayo hadi uishinde. Hebu angalia ndoto zako umekuwa unazo nzuri kweli, lakini ukitaka kufanya kuna kitu kinakwambia huwezi.
Naamini umeshawahi kukutana na kitu kama hiki sana na umekuwa hujui uchukue hatua gani. Kwa vyovyote vile sauti hiyo inapotokea kwako ni lazima ujifunze kusema naweza hata kama inakwambia huwezi vipi.
Ikiwa hautaweza kuushinda sauti hii ni kweli usishangae hata yale malengo yako ambayo ulikuwa ukiaamini kabisa kwamba utaweza kutimiza unaona nayo hayatimii kwa sababu ya kuambiwa huwezi.
Kwa jinsi unavyoisikia sauti hiyo ndani inayokwambia huwezi, inatakiwa uwe mwepesi sana kusema naweza. Usije ukaambiwa huwezi na sauti inayotoka ndani mwako  halafu ukabaki kimya, hapo ndipo utakuwa unajipoteza.
Unatakiwa kujenga maisha yako kwa kujimini sana kwa kijiambia unaweza mara nyingi uwezavyo. Lakini usiishie kusema unaweza tu kwa mdomo huku hakikisha uwe unachukua hatua pia.
Kwa kuchukua hatua huku ukisema unaweza hakika amini utaweza kutimiza ile mipango uliojiwekea. Badilisha mwelekeo wa maisha yako kwa kuiushinda sauti inayokuja ndani yako ya kusema siwezi na kuwa naweza, hapo utafanikiwa.
Tunakutakia kila la kheri na endelea kutembelea dirayamafanikio.blogspot.com kila siku kujifunza maisha na mafanikio.
DAIMA TUPO PAMOJA MPAKA MAISHA YAKO YAIMARIKE,
Ni wako rafiki katika mafanikio,
Imani Ngwangwalu,
Mshauri wa mafanikio, mwandishi na mjasiriamali,
Mawasiliano; +255 767 048 035, +255 713 048 035,

Monday, November 20, 2017

Mambo Ya Kukumbuka Sana Wakati Unatafuta Mafanikio.

No comments :
Yapo mambo ya msingi ambayo kila wakati unatakiwa uyakumbuke unapotafuta mafanikio yako. Kwa nini unatakiwa kuyakumbuka mambo hayo, hiyo yote ni kwa sababu ndio kama msingi na nguzo ya kufikia mafanikio yako.
Watu wengi wanashindwa kufanikiwa kwa sababu ya kutoyajua au kutoyakumbuka kabisa mambo hayo na mwisho wa siku hujikuta wakipotea na kushindwa kufikia mafanikio yatakawayo kimaisha.
Kupitia makala haya nataka nikukumbushe mambo ya msingi sana ambayo unatakiwa kuyakumbuka wakati unatafuta mafanikio. Naamini utajifunza na itakusaidia kuchukua hatua ya kufanikiwa kwa kuyajua mambo haya tena.
1. Jipe muda wa kufanikiwa.
Mafanikio ni kitu ambacho hakitokei mara moja tu. Mafanikio yanaenda hatua kwa hatua. Si kwa sababu eti kuna jambo umepanga kulifanikisha basi ulifanikishe leo leo, kama ni hivyo basi huo utakuwa ni uongo mkubwa sana.
Unatakiwa ujipe muda wa kufikia mafanikio yako. Acha kuangalia njia za kutaka kujipatia utajiri wa haraka. Unatakiwa kuweka juhudi kila siku. Hata Roma kumbuka haikujengwa kwa siku moja na mafanikio pia yanataka mchakato vivyo hivyo.
Wakati mwingine inaweza ikakuchukua miaka 5, 10, 17 na hata 20 ili kuweza kufikia mafanikio makubwa uyatakayo. Usishangae huo ndio ukweli,  ila kama wewe wa kutaka mafanikio makubwa na ya haraka, jiandae mafanikio hayo yatakupoteza rafiki.

2. Fanya kile unachokiamini kitakupa mafanikio.
Usifanye hata siku moja kosa kwa kuamua kufanya kitu ambacho moyoni mwako unaona hakikupi mafanikio. Fanya kile ambacho unaamini kinakupa mafanikio, hata kama kitu hicho kinadharaulika sana kwa wengi.
Kwa kufanya kile kitu ambacho unaamini kitakupa mafanikio, naamini utaweka juhudi sana hadi kuweza kufikia mafanikio yako makubwa. Ila kama unataka kushindwa kabisa fanya kitu ambacho unaamini hakikupi mafanikio, utajuta.
3. Fanya kile unachokipenda.
Hakuna mafanikio makubwa utakayoweza kuyapata kwa wewe kufanya kile kitu usichokipenda. Najua hili tumeliongelea sana hapa, lakini nakukumbusha ili kufanikiwa unatakiwa kufanya jambo unalolipenda kwanza.
Ukiwaangalia watu wote wenye mafanikio wanafanya vitu wanavyovipenda kwani huko ndiko mafanikio makubwa yanapopatikana yaani inapotokea chanagamoto ni rahisi kuweza kupambana nayo mpaka kieleweke.
4. Boresha kile ukifanyacho kila siku.
Haijalishi kile unachokifanya ni bora kiasi gani, lakini maboresho kwa kile ukifanyacho ni muhimu sana, kama hautaweza kuboresha kile unachokifanya itafika mahali utakwama na hautaweza kusonga mbele sana.
Boresha kuanzia leo biashara yako, uandishi wako, akili yako kwa kujisomea kila siku ili uweze kusonga mbele. Kitu chochote ambacho hakina maboresho mafanikio yake ni ya muda mfupi sana na itafika wakati mafanikio hayo hupotea.
5. Jifunze kutokana na makosa yako.
Kwenye maisha hakuna kitu kinachoitwa ushindi wa moja kwa moja. Inabidi ifike mahali ukubali kujifunza kutokana na makosa pale unaposhindwa. Ukijifunza tu kutokana na makosa hiyo itakuwa ni fursa bora kwako ya kukusaidia kuweza kusonga mbele.
Naamini kwa kujifunza mambo hayo kuna kitu ambacho umetoka nacho na kimekusaidia kuweza kuchukua hatua ya kuweza kusonga mbele. Fanyia kazi hayo na ukumbuke kila unapotafuta mafanikio yako.
Tunakutakia kila la kheri na endelea kutembelea dirayamafanikio.blogspot.com kila siku kujifunza maisha na mafanikio.
DAIMA TUPO PAMOJA MPAKA MAISHA YAKO YAIMARIKE,
Ni wako rafiki katika mafanikio,
Imani Ngwangwalu,
Mshauri wa mafanikio, mwandishi na mjasiriamali,
Mawasiliano; +255 767 048 035, +255 713 048 035,







Saturday, November 18, 2017

Ijue Msingi Ya Kuwa Mbunifu.

No comments :
Katika maisha yako yote ambayo unayaishi hapa dunia basi tambua ya kwamba bila kuwa mbunifu basi  utaendelea kuungua na jua maisha yako yote, nasema hivyo nikiwa na maana ya kwamba asilimia 99.99 ili uweze kupiga hatua za kimafanikio kila wakati  katika maisha yako ni lazima uwe mbunifu.
Ubunifu ndio nguzo nambari moja ambayo itakufanya wewe kuweza kufanikiwa, ikiwa hautajenga misingi ya ubunifu katika jambo lolote ambalo unalifanya basi ni kwamba utaendelea kuishi maisha ya kawaida na matokeo ambayo utayapata nayo tayakuwa ni ya kawaida tu.
Kwa sababu  katika karne hii kwa asilimia kubwa kitu ambacho  unakifanya wewe kwa asilimia kubwa ni lazima kitafanana na mtu mwingine, kama ndivyo hivyo basi ikiwa mfanano wa vitu unazidi kuongezeka swali la msingi ambalo unatakiwa kujiuliza ni, hivi natajitofautishaje na wenzangu?

Majibu ya swali hilo ni kwamba ili kujitofautisha na wengine unachotakiwa kufanya ni kuhahahakikisha ubunifu unahusika kwa asilimia kubwa. Mtu mwingine anaweza kuja kifua mbele akaniuliza sasa afisa mipango huo ubunifu ni nini?
Pasipo kuona haya endapo niutaulizwa swali kama hilo jibu ambalo nitampa nitamwambia, ubunifu ni kuongeza thamani kwa kitu ambacho unakifanya, aidha kama  utashindwa kuongeza thamani basi utakiwa kuunda kitu kipya.
Katika swala kuunda kitu kipya hapa ndipo pamekuwapo na tatizo fulani kwa sababu watu wengi wanapenda sana ganda la ndizi kuteleza, kwa maneno mengine tunaweza kusema akili zao zimeganda hasa katika suala la kufikiria wao wamekuwa wanapenda sana kufanya ‘copy & paste.’ Kufanya hivyo ni kujipoteza mwenyewe hivyo unachotakiwa kufanya ni kwamba lazima uwe na misingi ya kubuni kitu cha kwako.
Pasipo kupoteza kusudio la mada yangu ya siku ya leo, niliona ni vyema niianze na utangulizi huo ili uelewe maana ya ubunifu. Mara baada ya kufahamua maana ya ubunifu basi naomba japo kwa dakika chache tuangalie misingi ya ubunifu  kama ifuatavyo.
1. Fanya kitu Unachokipenda.
Ukitaka kuwa mbunifu katika eneo lolote lile , kwanza ni lazima uhakikishe unafanya kitu ambacho unakipenda. Ukifanya kitu ambacho unakipenda kwa asilimia zote, upo uhakika wa asilimia zote kwamba ni lazima utakuwa mbunifu ili kuwashinda washindani wako wanakuzunguka.
 2. Wekeza muda katika kuwaza na kutenda jambo hilo.
Ili uweze kuwa mbunifu katika jambo ambalo unalifanya jambo jingine ambalo unatakiwa kulizingatia ni kwamba ipo haja kubwa sana ya kuwekeza muda mwingi katika kuliwaza na kulitenda jambo hilo. Hivyo kwa kuwa umeamua kuyasaka mafanikio kwa udi na uvumba huku ukiamini ya kwamba ubunifu ndiyo ambao utakusaidia kuwa hivyo basi hakikisha ya kwamba unajipanga kikamilifu kuweza kujitoka kwa kuwekeza muda wako mwingi ili kuweza kulitimiza jambo hilo.
3. Jifunze vitu vipya vinavyoendana na jambo lako.
Jambo jingine ambalo litakufanya wewe uweze kuwa mbunifu ni kwamba ni lazima uhakikishe ya kwamba kila wakati huchoki kujifunza vitu vipya ambavyo vinaendana na jambo hilo. Sambamba na hilo kwa kuwa binadamu kwa asilimia kubwa kuna uwezekano mkubwa sana wa kile alichojifunza kuweza kusahau, hivyo kwa kile ambacho unajifunza ni lazima uhakikishe ya kwamba unakiandika na uwe unakipitia mara kwa mara ili usikishau.
4. Jiulize maswali mara kwa mara.
Jambo la mwisho kati ya mengi yahusuyo somo hili ni kwamba kila wakati ni lazima uwe ni mtu wa kujiuliza maswali ya mara kwa mara. Moja kati ya swali muhimu ambalo unapaswa kujiuliza wewe katika misingi hii ya ubunifu ni, Je hivi nikifanya jambo hili nitapata faida gani?
Mpaka kufikia hapo sina la ziada nikutakie ubunifu mwema na siku njema.
Ndimi: Afisa Mipango ; Benson Chonya
0757-909942

Friday, November 17, 2017

Sababu Tano Kwanini Watu Wengi Hawafanyi Kazi Zao Kwa Ufanisi Mkubwa.

No comments :
Si kitu cha ajabu, mara nyingi kumekuwa na malalamiko mengi kwa ‘mabosi,’ kulalamikia watu walio chini yao kwamba wanafanya kazi chini ya viwango, lakini si hivyo tu bali wanafanya pia kwa ufanisi mdogo sana, yaani hakuna ubora.
Ni tatizo ambalo limekuwa likiongelewa sana na kuhusishwa na uvivu, kwamba vijana wa siku hizi ni wavivu na hawataki kufanya kazi sana na tatizo hili limekua likikua siku hadi siku katika maeneo mengi makazini.
Je, kwa wewe binafsi, unafikiri chanzo cha tatizo hili ni nini? Kwa nini watu wanakwenda kazini karibu kila siku, lakini utendaji na ufanisi wao ni kidogo sana na hata hauridhishi kwa kiasi kikubwa kuweza kuleta mabadiliko.
Kiuhalisia zipo sababu kadhaa, ambazo moja kwa moja zinakuwa zinapelekea utendaji wa kazi kuweza kushuka sana kazini. Sitaki kukutajia sababu nyingi sana, katika somo hili nakutajia sababu tatu tu, kwa nini watu wengi hawafanyi kazi zao kwa ufanisi.
1. Mwingiliano wa mambo yasiyo ya msingi.
Ufanisi wa kazi kuna wakati unapungua sana kutokana na kuingiliana kwa mambo yasiyo ya msingi. Kwa mfano, utakuta mtu anafana kazi moja lakini wakati huo huo akili yake ipo kwenye kitu kingine kama simu au Tv au kuongea na watu wakati wa kazi.
Ufanisi katika kazi na kufanya kazi katika ubora hakuwezi kuja kwa namna hii. Ndio maana unatakiwa kila aina ya mwingiliano uweze kuutoa ili ufanisi uweze kuonekana kwa uwazi kabisa kwenye kila unachokifanya.
Sababu hii peke yake, ni chanzo kikubwa sana cha watu wengi kutokufanya kazi kwa ufanisi mkubwa. Matokeo ya hili ni kuendeleza kushindwa kwenye maisha. Kama unataka kufanya kazi kwa ufanisi na kufanikiwa, punguza mwingiliano wa mambo yasiyo ya msingi kwako.

2. Kazi nyingi kwa wakati mmoja.
Pia kuna wakati ufanisi katika kazi unakufa kwa sababu ya kazi nyingi kwa wakati mmoja. Inapofika kipindi wewe ni mtu mmoja halafu ukawa na kazi nyingi kwa wakati mmoja ni ngumu sana kuweza kuleta ufanisi.
Kitu cha muhimu kuzingatia hapa, ni kufanya kazi zako kwa utaratibu. Usijipe kazi nyingi kwa wakati mmoja, huko kutakuwa ni kujichosha na utapoteza ufanisi sana na usishangae hutaweza kupiga hatua kwa jambo hata moja.
Siri kubwa ya kuweza kufanikiwa na kusonga mbele, chagua jambo moja na kisha jambo hiilo lifanye kwa uhakika sana. Nguvu na mawazo yako yote yaweke hapo mpaka jambo lako lilete matokeo na ufanisi mkubwa sana.
3. Kukosa hamasa kutoka kwa wanaowaongoza.
Kuna wakati kama unafanya kazi kwenye kampuni yaani uko chini ya mtu, unaweza ukakosa ufanisi kwa sababu ya kukosa hamasa kutoka kwa wanaokuongoza. Ni muhimu sana kwa watu wanaokuongoza au viongiozi wakatoa hamasa kubwa.
Pengine unajiuliza hamasa hii ni ipi? Ni muhimu na kwa viongozi pia nao kuweza kujitoa kufanya kazi ili kuonyesha mfano. Kinyume cha hapo unaweza ukakatishwa tamaa kwa kujiona kama hiyo kazi unayoifanya ni kazi yako tu peke yako.
Lakini kwa kushirikiana pamoja kuanzia viongozi hadi wafanyakazi wa kawaida ingawa kila mtu anakuwa anafanya kazi kwa sehemu yake hiyo itasaidia kukupa motisha na mwisho wa siku kuleta ufanisi mkubwa katika kazi.
Kimsingi, hayo ndiyo mambo makubwa matatu ambayo yanapelekea moja kwa moja watu kuweza kufanya kazi chini ya ufanisi mkubwa.
Tunakutakia kila la kheri na endelea kutembelea dirayamafanikio.blogspot.com kila siku kujifunza maisha na mafanikio.
DAIMA TUPO PAMOJA MPAKA MAISHA YAKO YAIMARIKE,
Ni wako rafiki katika mafanikio,
Imani Ngwangwalu,
Mshauri wa mafanikio, mwandishi na mjasiriamali,
Mawasiliano; +255 767 048 035, +255 713 048 035,







Thursday, November 16, 2017

Maisha Yako Yanajengwa Sana Na Mambo Haya Matatu.

No comments :
Yapo mambo mengi ambayo yanajenga maisha yako au yanafanya maisha yako yawe kama hivyo yalivyo. Lakini hata hivyo pamoja na mambo hayo mengi, yapo mambo matatu ya msingi ambayo yanajenga maisha yako au ndio msingi wa maisha yako.
Kama utapuuzia ama hautaweza kujali mambo hayo matatu tu, basi kufanikiwa kwako kutakuwa ni kitu ambacho hakiwezekani. Mimi na wewe tunatengeneza mafanikio au kushindwa kwetu kupitia mambo hayo.
Sina shaka, una hamu ya kutaka kujua ni mambo gani ambayo yanapelekea maisha yako kujengwa. Sasa kamata kalamu na karatasi, kisha twende pamoja kwenye darasa kuweza kujifunza somo letu la leo.
Jambo la kwanza, mawazo yako.
Kila kitu unachokitaka kinaanzia kwenye mawazo yako. Hakuna jambo ambalo lipo duniani limeanzia nje ya mawazo. Mawazo yana mchango mkubwa katika kukupa chochote ukitakacho kwenye maisha yako.
Ukishindwa katika mawazo yako, na nje utashindwa pia. Ndio maana ili kufanikiwa unatakiwa kila wakati uwe na mawazo chanya sana, mawazo yakujenga, mawazo ambayo yatakutoa sehemu moja na kukupeleka sehemu nyingine.
Na mawazo haya hayawezi kuja kwa bahati mabya tu, mawazo haya yanakuja kwa wewe kujilisha vitu chanya karibu kila siku. Unatakiwa ujifunze vitu chanya, unatakiwa uwe na marafiki chanya ambao watakusaidia kuwa na mawazo bora.
Kuendelea kuwa na mawazo yale yale ambayo yamekuweka hapo ulipo, ni sawa na kuchagua kupotea kwenye maisha yako. Kila siku hakikisha una mawazo bora yatakayoweza kukusaidia wewe kufanikiwa na si kukuangusha.

Jambo la pili, vitendo vyako.
Mawazo bora peke yake hata yawe mazuri vipi hayawezi kukusaidia kitu au hayawezi kukufikisha mbali. Kitu kingine ambacho kinajenga maisha yako kwa sehemu kubwa ni hatua unazozichukua kila siku.
Inatakiwa ujiulize hatua unazochukua kila siku hata kama ni kidogo sana lakini katika kuelekea ndoto zako ni zipi? Kama hakuna hatua unazochukua basi ujue sio unajenga maisha yako bali ndio unayaharibu kabisa na kuwa maisha ya hovyo.
Hakuna mafanikio ya kukaa tu, hakuna mafanikio ya kuyaongelea mdomoni, mafanikio yanajengwa kwa kuchukua hatua. Ukiona hakuna hatua unazochukua usijidanganye kwamba unatafuta na wewe mafanikio, maana wewe utakwama hata iweje.
Watu wanaochukua hatua karibu kila siku, watu hao ndio wanaofanikiwa na kujenga bahati kubwa katika maisha yao. Kwa hiyo unaona, vitendo ni kitu kimojawapo ambacho kina mchango mkubwa sana pia katika kujenga maisha yako.
Jambo la tatu, maneno yako.
Pamoja na kwamba una mawazo mawazo mazuri na una vitendo vizuri, lakini unatakiwa kukumbuka maneno yako pia yanamchango mkubwa sana katika kujenga maisha yako na yakaonekana kama hivyo yalivyo hapo.
Maisha ya wengi yamejengwa au kuharibiwa kutokana na maneno yao waliojinenea siku za nyuma. Ndio maana kabla hujaongea inabidi ujiulize unaongea kitu gani na je kitu hicho kinamchango upi katika kuelekea ndoto zako.
Unaweza ukawa mtabiri wa maisha yako, eidha kwa kwa kubomoa au kuyaumba. Maneno yako yanaumba sana maisha yako kwa sehemu kubwa. Ukijinenea vibaya, uelewe kabisa ndivyo maisha yako yataharibika kabisa.
Hivyo ni muhimu kuwa na uchaguzi wa maneno bora ili ikusaidie kuweza kufanikia. Usiwe mtabiri wa kuharibu maisha yako kila wakati. Jifunze kuwa mtabiri wa kuweza kukusaidia kujenga maisha yako.
Kwa kifupi, hayo ndiyo mambo makubwa matatu ambayo yanajenga maisha yako sana, ingawa ukienda kinyume na hapo ndivyo unaharibu maisha yako kabisa.
Tunakutakia kila la kheri na endelea kutembelea dirayamafanikio.blogspot.com kila siku kujifunza maisha na mafanikio.
DAIMA TUPO PAMOJA MPAKA MAISHA YAKO YAIMARIKE,
Ni wako rafiki katika mafanikio,
Imani Ngwangwalu,
Mshauri wa mafanikio, mwandishi na mjasiriamali,
Mawasiliano; +255 767 048 035, +255 713 048 035,




Wednesday, November 15, 2017

Kila Wakati Chagua Jambo Hili, Likupe Msingi Imara Wa Mafanikio Yako.

No comments :
Badala ya kuendelea kukasirika hebu tafuta jambo la kukusaidia kukupa furaha. Kuendelea kukasirika kwako hakuwezi kukusaidia sana.
Badala ya kuendelea kuwa adui wa watu, tafuta njia ya kutafuta suluhu na kwa rafiki mkubwa wa watu, maana mahusiano bora yanalipa.
Badala ya kuendelea kuwa na wasiwasi na jambo lolote lile, jifunze kuchukua hatua ili wasi wasi huo uweze kuutoa kabisa.
Badala ya kuendelea kuwa mtu wa visasi, tafuta namna ambayo utakuwa mtu wa msamaha. Hata kama umeumizwa sana, jifunze sana kusamehe.
Badala ya kuendelea kuwawazia wengine mabaya, jenga utaratibu wa kuwaombea pia mazuri maishani mwao.



Mara nyingi nguvu hasi ni nguvu chanya ambazo zinakwenda kinyume. Kikubwa jifunze kubadilisha nguvu hasi zako kuwa nguvu chanya ili zikusaidie.
Huhitaji kuendelea kujibebesha nguvu nyingi hasi zisizo na msingi maishani mwako, unachohitaji ni kutuliza akili yako na kuanza kutumia nguvu chanya.
Hakuna mafanikio utakayoweza kuyapata kama kila wakati ndani mwako una nguvu nyingi sana hasi.
Unapokuwa una nguvu nyingi hasi, zinakuwa zinakurudisha nyuma sana pasipo wewe  mwenyewe kujua sasa unarudi nyuma.
Piga marufuku kwenye maisha yako kujibebebsha nguvu zako nyingi hasi, ili zisikupoteze wewe na wanaokuzunguka.
Kwa jinsi unavyoweza kuwa na nguvu hasi nyingi, ni vivyo hivyo utambue unaweza ukawa na nguvu nyingi chanya.
Kwa mfano, gari lenye uwezo wa kusafiri kilomita 90 kwenda mashariki, gari hilo hilo lina uwezo wa kwenda kilomita 90 nyingine magharibi.
Hata nguvu zako ulizonazo unaweza kuzinyumbulisha kwa jinsi unavyoweza wewe na kuzitumia kwa ufasaha kukupa maisha ya amani na furaha kwako na wengine pia.
Inapofika mahali unahisi una nguvu hasi kama kukasirishwa, jifunze kwanza kutulia halafu ufanye maamuzi mazuri ambayo utayatatoa ukiwa umetulia na chanya kwako.
Badilisha huzuni yako, ambayo unayo mara kwa mara, ili huzuni hiyo igeuke na kuwa furaha kubwa maishani mwako.
Badilisha kulalamika kwako na uwe mtu wa kutoa ushauri, malalamiko kwa namna yoyote ile hayafai kwako na yatakupoteza.
Badilisha uchungu ulionao ndani mwako, nao pia uwe furaha. Kujibebesha uchungu kila wakati kutaendelea kukuumiza sana.
Hali yoyote ile ambayo inaonekana mbaya kwako inaweza kubadilishwa na kuwa hali nzuri ambayo itakupa mafanikio makubwa sana.
Nguvu chanya tunazoziongelea hapa, tayari unazo ndani mwako, unachotakiwa kufanya ni kwa wewe kufanya mbinu za kubadilisha mwelekeo tu.
Haijalishi ni jambo gani limekukuta, iwe ni kupata hasara au jambo ambalo kwako unaliona ni baya, geuza ubaya huo, angalia upande wa mema au mazuri.
Kuwa na uchaguzi wa kuishi maisha chanya ni msingi mzuri sana kwako wa kukufanya uishi katika afya njema kihisia na kujenga furaha ya kudumu.
Angalia katika maisha yako, yale yote ambayo umekuwa ukiyaona mabaya, yafanye yawe mazuri na uyatumie kwa manufaa.
Kupitia wewe ambaye utakuwa sasa ni mtu wa uchaguzi wa kuamua kuishi maisha bora kwa kuwa chanya, itapelekea wengine kuiga mfumo wa maisha yako.
Kitu cha kutoka nacho hapa na ambacho unatakiwa kukifanyia kazi ni kwamba kwa hali yoyote unayokutana nayo chagua kuwa chanya wakati wote.
Kama tulivyosema hata kama kuna ubaya gani, chagua daima ‘positive altrnative’ kwenye maisha yako, hiyo itakusaidia kujenga na kusimamisha ndoto zako kwa kiasi kikubwa.
Tunakutakia kila la kheri na endelea kutembelea dirayamafanikio.blogspot.com kila siku kujifunza maisha na mafanikio.
DAIMA TUPO PAMOJA MPAKA MAISHA YAKO YAIMARIKE,
Ni wako rafiki katika mafanikio,
Imani Ngwangwalu,
Mshauri wa mafanikio, mwandishi na mjasiriamali,
Mawasiliano; +255 767 048 035, +255 713 048 035,









Tuesday, November 14, 2017

Zijue Mbinu Za Kuijenga Kesho Yako, Yenye Mafanikio.

No comments :
Hivi ni nani aijuaye kesho yake? Kiimani ukiulizwa swali kama hili huenda ukakosa majibu sahihi, hii ni kwa sababu wengi wetu hakuna ambaye aijuae kesho yake. Lakini katika sayari ya upangaji malengo na kanuni ya mafanikio ni lazima kila mmoja wetu aijue kesho yake.

Hii ni kwa sababu ni lazima kila mmoja wetu  aweze kujua ni wapi ambapo anaelekea katika maisha yake, hii ikiwa na maana ya kwamba kama mtu ataamua kuyapanga malengo yake katika misingi imara ni lazima kila mmoja wetu ataijua kesho yake ipoje.

Wakati mwingine ili uweze kuwa bora katika maisha yako ya kila siku unatakiwa kuweza kujua ni jinsi gani ya kuitengeneza kesho yako. Na mbinu za kuitengeneza kesho yako mara zote huanza na siku leo, swali la msingi la kujiuliza ni kwamba unaitumia vipi leo yako ili kuijenga kesho yako?

Kesho yako ya mafanikio inatengenezwa leo.
Kama utashindwa kuijua leo yako vizuri basi fahamu fika hata hiyo kesho yako huwezi kuijua pia. Hivyo jambo la muhimu ambalo unatakiwa kulifanya ni kuhakikisha unaijenga kesho, ni unaijenga tabia ambayo itakufanya kesho yako iwe ni nzuri.  Miongoni mwa tabia ambazo unatakiwa kuziacha ni pamoja na kuacha kufanya mambo ambayo yatakuwa hayana msaada wowote kwako.

Lakini mara baada ya kuuachana na tabia ambazo zimekuwa hazikusaidia, lakini jambo jingine ni kuhakikisha unafanya mambo ambayo yatakufanya wewe uweze kusonga mbele katika maisha yako yako ya kila siku ili kuijenga kesho yako nzuri.

Hivyo ni  vyema ukatafakari kwa makini ni mambo gani ambayo hayakusaidii, mara baada ya kujua mambo hayo chukua peni na karatasi kisha yaorodheshe kisha anza kufanya kinyume chake cha mambo hayo.

Kama ulikuwa unatumia muda mwingi kwenye kusoma vitu visivyokuwa vya msingi basi kuanzia sasa ni vyema ukatenga muda wako katika kusoma vitu ambavyo vitakusaidia. Kama ulikuwa unachelewa kuamka pasipo na sababu maalum basi anza pia kufanya kinyume chake.

Mara zote ili uweze kuijenga kesho yako unachotakiwa kufanya hakikisha ya kwamba unafanya mambo kwa uhakika na ustadi wa hali juu. Kila unachokifanya ni vyema ukatumia ile kanuni ya kwenda mbele zaidi.

Kama ni biashara ni lazima ujifunze kufanya vitu ambavyo vitakufanya uweze kusonga mbele, achana na tabia ambazo zimekuwa hazileti matokeo chanya.

Mpaka kufikia hapo sina la ziada nikutakie siku njema na mafanikio mema.

Ndimi ; BENSON CHONYA
0757-909942.