Aug 2, 2017
Kama Utajiuliza Maswali Haya, Mafanikio Kwako Hayakwepeki Tena.
Kuna
watu ambao wanafikiri kwamba, kama watafanya kazi kwa bidii sana na kuianza
siku yao mapema na kukamilisha majukumu yao muhimu ya siku, basi hapo ndipo
kila kitu kimekwisha, mafanikio ni lazima watayapata.
Uhalisia
katika kufikia mafanikio unatambua yote hayo ni muhimu sana tena sana ila
yatafanya kazi kama pia utakuwa umejijengea tabia ya kujiuliliza maswali yatakayokupa
upenyo ama njia sahihi ya kuweza kufanikiwa.
Kama
utashindwa kujiuliza maswali ya msingi ambayo tunakwenda kuyangalia katika
makala haya, usishangae ukashindwa kufanikiwa. Unaweza kutoa kila kitu ikiwa
pamoja na juhudi, nidhamu lakini unashangaa mambo hayaendi kama unavyotaka yawe.
Nafikiri
kuna wakati umeshawahi kujiuliza ni kitu gani unachokosa au ni wapi unapokosea
hadi usifanikiwe kwa viwango vikubwa uvitakavyo? Haya ni maswali pengine
yamekuumiza sana kichwa na hujui ni nini shida.
Kama
ilivyo ada ya DIRA YA MAFANIKIO
tunakushirikisha mafanikio, kupitia makala haya, sasa naomba twende pamoja
kujifunza na nikuonyeshe maswali ambayo unatakiwa ujiulize mara kwa mara ili
kujenga mafanikio yako.
1. Ni kitu gani ninachokiweza kwa
uhakika?
Katika
maisha yako haujazaliwa kufanya kila kitu. Vipo vitu vichache au kitu ambacho
utakifanya dunia nzima inaweza ikabaki ikakushangaa. Sasa moja ya kitu ambacho
unatakiwa kujiuliza sana je, unaweza kufanya nini kwa uhakika?
Usiniambie
hujui, na kama unasema hujui, hiyo yote inaonyesha ni kwa jinsi gani hapo
ulivyo mvivu wa kufikiri. Kila mtu duniani kipo kitu ambacho anakiweza hata
kama ni kidogo sana, lakini anakiweza.
Kuna
anayeweza kufuma vitambaa, kuna anayeweza kusuka, kuna anayeweza kuimba na kuna
anayeweza kuandika. Sasa jiulize wewe unaweza nini yaani ukipewa kitu hicho basi,
shida za watu zimefika mwisho. Hili ni swali la kujiuliza sana ili kufanikiwa.
 |
| Jiulize maswali muhimu ya kukupa mafanikio. |
2. Ninataka kuwa nani maishani mwangu?
Piga
picha ya maisha yako kama vile wewe ndiye‘staring’ wa picha la maisha yako. Jiulize
unataka kuwa nani, hapa unatakiwa kujiuliza kila siku. Unapojiuliza swali hili mara kwa mara
unashangaa litakupa msukumo mkubwa wa kutenda zaidi.
Kama
utakuwa unaishi tu, na hata hujui unataka kuwa nani, si rahisi kuweka juhudi
kubwa zitakazoweza kukutoa hapo ulipo. Ukishajijua wewe maisha yako siyo ya
umaskini, utafanya kila linalowezekana utoke hapo.
Washindi
katika maisha hujiuliza sana swali hili. Swali hili linakupa utambuzi wa
kujijua wewe ni nani na kujikuta hata mambo ya kujinga ambayo ulikuwa unataka
kuyafanya huwezi kuyafanya. Ukijiuliza pia swali hili mafanikio huwezi
kuyakwepa kwako.
3. Ni akina nani wanaonizunguka?
Wataalamu
wa mambo ya mafanikio wanasema wewe ni matokeoo ya watu watano wanaokuzunguka. Sasa
ili ufanikiwe unatakiwa ujue unazungukwa na akina nani?, jiulize tena je, watu
hao wanakusaidia kufanikiwa?.
Kama
marafiki zako ni watu chanya, maskini na ambao hawana mchango hata kidogo
kwenye maisha yao huwezi kufanikiwa. Sikwambii uwakimbie rafiki zako lakini huo
ndio uhalisia ulivyo. Unatakiwa kuzungukwa na marafiki makini ili kufanikiwa.
Ikiwa
hitaji lako la kwanza kubwa ni mafanikio, achana na watu ambao hawakusaidii. Kila
siku jiulize kama ni urafiki nilionao, unanisaidia kunifikisha kwenye
mafanikio? Timu inayokuzunguka ni muhimu
sana kukupa mafanikio yako ya kimaisha.
Mpaka
kufika hapa unaona ili kufanikiwa kwenye maisha mbali na juhudi nyingi ambazo
tunatakiwa kuziweka kila siku, pia moja ya kitu cha msingi ambacho tunatakiwa
kuwa nacho au ni kutambua maswali yatakayokupa mafanikio.
Nikutakie
siku njema na kila la kheri katika kufikia mafanikio makubwa, lakini kumbuka
endele kutembelea dirayamafnikio.blogspot.com kila siku.
DAIMA TUPO PAMOJA MPAKA MAISHA YAKO YAIMARIKE,
Ni
wako rafiki katika mafanikio,
Imani Ngwangwalu,
Mshauri wa mafanikio, mwandishi na
mjasiriamali,
Mawasiliano; +255 767 048 035, +255 713
048 035,
Email; dirayamafanikio@gmail.com
Subscribe to:
Post Comments
(
Atom
)
No comments :
Post a Comment
Note: Only a member of this blog may post a comment.