May 18, 2017
Kile Kinachokufanikisha Sio Kile Unachokisema Sana, Bali Ni Hiki Hapa…
Kuna
wakati tunajiambia sana ‘mwaka huu
nahitaji kuongeza mtaji, mwaka huu nahitaji pia kufanya biashara ile, au mwaka
huu nahitaji kufanya hiki au kile’. Hizi ni sentensi ambazo naamini
umezisikia sana zikisemwa na kuna kipindi hata wewe umekuwa ukijisemea hivyo.
Katika
ulimwengu wa mafanikio ipo hivi kile kinachokufanikisha si kile unachokihitaji,
bali kile kinachokufanikisha ni kile unachokifanya au kukifanyia kazi, ndicho
hicho kinachokufanikisha na kukupa mafanikio.
Hakuna
atakayejali kwa kile unachohitaji au unakisema sana hata kiwe kizuri vipi,
dunia inajali kile unachokichukulia hatua na kukifanya. Hicho unachokifanya
kila siku, hicho ndicho kinachokusogeza kwenye mafanikio yako.
 |
| Weka mipango yako katika vitendo. |
Unaweza
ukahitaji mambo mengi sana lakini kama huchukui hatua uwe na uhakika huwezi
kufanikisha kitu chochote katika maisha yako, zaidi yako utaishia kusema nahitaji
hiki au kile na miaka inaenda na bado ukajikuta hupati kitu.
Kuna
watu ambao ukiwachunguza karibu maisha yao yote ni watu wa kusema nitafanya
hiki mwaka huu au kile na hawafanyi. Maisha ya mafanikio hayataki ‘blaa blaa’ yanataka ufanye kitu yaani
uchukue hatua za kimafanikio.
Kuanzia
leo unatakiwa ujifunze na kutambua kwamba vitendo ndivyo vinavyosema kuliko
maneno. Kama ni kusema kila mtu anaweza kusema na kuweka ndoto zake vizuri mpaka
ukashindwa kuweza kuamini kama kweli anaweza akashindwa.
Lakini
kinachokuja kuweza kutofautisha kati ya wale wanaoshindwa na wale wanaofanikiwa
ni namna ya kuchukua hatua za kuelekea kwenye mafanikio. Kwa chochote ambacho
unaamua kukifanya, chukua hatua.
Katika
kuchukua hatua usijali, hatua hizo ziwe ni kidogo au unaona kama hausogei, kikubwa
ni ile hali ya kwenda mbele. Hivi ndivyo mafanikio makubwa yanavyojengwa na
hivi ndivyo pia kile kinachokufanikisha jinsi kinavyokuja.
Kumbuka
unachokihitaji hakiwezi kukupa mafanikio unayoyataka kwa asilimia zote, acha
kulinga na kujidai kwa kile tu unachokihitaji, badala yake uelewe kabisa kile
unachokifanya hicho ndicho kitakachokupa maisha na mafanikio unayotaka.
Je, unakipi unachokihitaji leo? Chukua hatua sasa kwa kukifanya.
Nakutakia
siku njema na kila la kheri katika kuyafikia mafanikio yako makubwa.
Ni wako
rafiki katika mafanikio,
IMANI NGWANGWALU,
0628
92 98 16,
Subscribe to:
Post Comments
(
Atom
)
No comments :
Post a Comment
Note: Only a member of this blog may post a comment.