Apr 30, 2017
Je, Bado Unalalamika Kwenye Biashara Yako?
Mbona unalalamika kila siku kwamba biashara yako ni ngumu?
Kwani wewe ulianzisha biashara yako kwa lengo gani? Malalamiko kutoka kwa
wajasiriamali imekuwa ni sehemu ya Maisha yao.
Yawezekana ni
kweli, lakini kwa yeyote mwenye malalamiko na aketi chini na ajiulize hili; “Ndiyo
hakuna anayenijali, hakuna anayenifikiria na hakuna anayenisaidia, kwahiyo…...”
Ukishajiuliza swali la “kwahiyo…” –bila shaka utaamua
mojawapo kati ya haya: ama ni kuacha kufanya biashara au kuendelea na
biashara”. Endapo utaamua kuacha biashara kero na malalamiko yako yote
vitakuwa vimeishia hapo na kimsingi utaweza kuendelea na maisha mengine.
Endapo utachagua kuendelea na biashara, maana yake ni kwamba matatizo unayolalamikia si makubwa kiasi cha kukuzuia kupata faida na pengine ndiyo maana umechagua kuendelea na biashara bila kujali matatizo na changamoto zilizopo.
Utamaduni wa kulalamika juu ya kazi tunazozifanya tumeurithi kutoka kwa
watumishi hasa waajiriwa. Mfumo wa ajira duniani uko katika umbo la pembe tatu
(piramidi). Ambapo unakuta mkubwa ni mmoja na chini yake kunakuwa na watu wengi
kutegemea na ukubwa wa taasisi au kampuni husika iliyokuajiri. Mara nyingi watu
walioko chini wakishindwa jambo lolote humsukumia yule aliyejuu ili afikiri na
kutoa suruhisho kwaniaba ya wale wote anaowaongoza.
Kwa maana nyingine ni kwamba katika umbo hilo hapa juu, kuna mambo mengine huruhusiwi kuyafanya au kuyatolea maamuzi isipokuwa aliye juu yako. Pili, ukiwa mwajiriwa wa ngazi za chini kuna mambo ambayo yakikushinda unayapeleka kwa mkubwa wako kwa ajili ya ufumbuzi zaidi.
Kwahiyo, chimbuko la tabia ya kulalamika ni utaratibu wa kutegemea maamuzi ya aliye juu yako. Kama anayepaswa kuamua jambo fulani, hafanyi hivyo kwa wakati au akafanya maamuzi vibaya basi utakuta waajiriwa walioko chini wanafanyakazi kwa kunung’unika muda wote, wanalalamika muda wote wanasema hovyo muda wote na hasa wakiwa maeneo ya nje ya ofisi zao.
Ikumbukwe kuwa, kinachowapa waajiriwa uhalali wa kulalamika ni ule mfumo au utaratibu wa ajira duniani ambao unatoa nafasi kwa mwajiriwa kuweza kupeleka malalamiko yake ngazi za juu endapo ataona kuna mambo ambayo hayaendi sawa.
Katika mfumo mzima wa ajira “MKUU” ni mtu wa mwisho na hatutarajii halalamike kwasababu hakuna mtu mwingine aliye juu yake ambaye anatakiwa kumpelekea malalamiko, ingawaje wengine ujikuta nao wakilalamika kwa watu wa chini yao. Wewe kama ni “Mkuu” kazi yako ni kuamua na kutenda basi!
Unapoamua kuwa mjasiriamali au kuanzisha biashara ni kwamba wewe umejipa nafasi ya kuwa “MKUU”. Haijalishi biashara ni ndogo au ni kubwa kiasi gani bali wewe ni mkuu tu! Wewe ni kiongozi mkuu wa biashara unayoifanya, na pia wewe ni kiongozi mkuu wa maisha yako.
Kwa maana nyingine ni kwamba katika umbo hilo hapa juu, kuna mambo mengine huruhusiwi kuyafanya au kuyatolea maamuzi isipokuwa aliye juu yako. Pili, ukiwa mwajiriwa wa ngazi za chini kuna mambo ambayo yakikushinda unayapeleka kwa mkubwa wako kwa ajili ya ufumbuzi zaidi.
Kwahiyo, chimbuko la tabia ya kulalamika ni utaratibu wa kutegemea maamuzi ya aliye juu yako. Kama anayepaswa kuamua jambo fulani, hafanyi hivyo kwa wakati au akafanya maamuzi vibaya basi utakuta waajiriwa walioko chini wanafanyakazi kwa kunung’unika muda wote, wanalalamika muda wote wanasema hovyo muda wote na hasa wakiwa maeneo ya nje ya ofisi zao.
Ikumbukwe kuwa, kinachowapa waajiriwa uhalali wa kulalamika ni ule mfumo au utaratibu wa ajira duniani ambao unatoa nafasi kwa mwajiriwa kuweza kupeleka malalamiko yake ngazi za juu endapo ataona kuna mambo ambayo hayaendi sawa.
Katika mfumo mzima wa ajira “MKUU” ni mtu wa mwisho na hatutarajii halalamike kwasababu hakuna mtu mwingine aliye juu yake ambaye anatakiwa kumpelekea malalamiko, ingawaje wengine ujikuta nao wakilalamika kwa watu wa chini yao. Wewe kama ni “Mkuu” kazi yako ni kuamua na kutenda basi!
Unapoamua kuwa mjasiriamali au kuanzisha biashara ni kwamba wewe umejipa nafasi ya kuwa “MKUU”. Haijalishi biashara ni ndogo au ni kubwa kiasi gani bali wewe ni mkuu tu! Wewe ni kiongozi mkuu wa biashara unayoifanya, na pia wewe ni kiongozi mkuu wa maisha yako.
Mafanikio ya biashara au mradi wako yanategemea sana maamuzi
na kutenda. Kamwe tusiwaige waajiriwa, kwani wao wanayo sehemu ya kupeleka
malalamiko—kwa viongozi wao au kwa wakuu wao katika utumishi.
Sisi wajasiriamali ni tofauti na waajiriwa kwasababu hatufungwi
na kitu chochote katika kuamua nini tufanye na nini tusifanye, ilimradi tu
tunafuata sheria za nchi.
Wajasiriamali tunao uhuru wa kurekebisha kile
kinachotukera na kama ni kikubwa kiasi cha kutuletea hasara bado tunayo maamuzi
ya kufunga biashara hiyo na tukaendelea na maisha mengine yanayotupa faraja.
Haipendezi hata kidogo mjasiriamali kulialia
kila wakati. Wengi kilio chao ni kusaidiwa mtaji, kuonewa huruma, kubembelezwa
n.k. sijui! lakini nionavyo mimi, hakuna atakayekufunga endapo utaamua kuacha
ujasiriamali, badala yake wewe ndiye utapata hasara ukiacha au faida ukiendelea
kufanya vizuri hicho unachofanya.
Eti unataka uwezeshwe na mtu ambaye shughuli zake tu zinategemea
zaidi pesa unazomchangia kila mara, je hiyo inawezekanaje mtu huyo huyo
akuwezeshe pesa?
Ndugu yangu umefika wakati sasa ujitambue na uache kulalamika
kama waajiriwa. Kaa kimya huku ukizidi kufanya kazi zako zote kwa juhudi na
maarifa. Pia, tekeleza majukumu yako kadiri ya uwezo wako wote. Jione kuwa wewe
ni kiongozi mkuu na hakuna mtu mwingine mbele yako na hata juu yako.
Kuwa tayari kuwajibika kwa maamuzi na matendo yako unayofanya
kila siku. Kila unapokabiliwa na changamoto usikimbilie kulia na kulalamika,
usikimbilie kuacha bali ujiulize ni kwanini ulianzisha hiyo biashara
unayofanya.
Pia, fikiria ni watu wangapi watafurahia kuona wewe unashindwa
kufanikisha hicho unachokifanya. Ukitambua hili, nina hakika kuwa muda si mrefu
utaanza kuona mafanikio yakianza kupatikana.
Endelea kujifunza kupitia hapa DIRA YA MAFANIKIO ili upate
kufahamu mbinu za kujiongoza na siyo kulalamika kama waajiriwa.
MAKALA HII
IMEANDIKWA NA CYPRIDION MUSHONGI WA MAARIFA SHOP BLOG.
Apr 29, 2017
Kitu Chenye Nguvu Kubwa Kuliko Pesa Ni Hiki Hapa.
Kwa
wengi wetu si rahisi sana kuweza kuamini kwamba kipo kitu chenye thamani kubwa
kuliko pesa. wengi huamini sana pesa ni kila kitu, kwamba ukiwa na pesa basi,
ndio mambo yote yameishia hapo.
Lakini
upo ukweli mwingine ambao pengine huujui. Mbali na thamani ya pesa yenyewe,
malengo ni kitu ambacho kinathamani kubwa sana hata kuliko pesa yenyewe ,malengo ninayoyazungumza hapa ni malengo yanayofanyiwa kazi.
Kama
una mashaka kidogo na hili, naomba uwangalie watu ambao kuna wakati wanaweza
kupata pesa huku wakiwa hawana malengo ni kitu gani kinawatokea. Najua utagundua
pesa zao zilipotea.
Unapokuwa
una malengo hata upate pesa nyingi sana, si rahisi sana kupotea, tofauti na mtu
ambaye anajiendea tu bila kuwa na malengo yoyote. Ni rahisi kuweza kufuata
malengo yako na kufanikiwa.
 |
| Ipo nguvu kubwa sana kwenye kufuata malengo yako. |
Kwa
hiyo mpaka hapo unaona kwamba kitu ambacho kinaweza kuwa na thamani kubwa hata
kuliko pesa ni malengo yenyewe. Hasa hili linakuja kutokana na nguvu ya malengo
katika kupata pesa.
Pesa
nyingi hazipo kwenye pesa yenyewe, pesa nyingi zipo kwa wale wanajiwekea
malengo na kuamua kuyafuata kila inapoitwa leo. Kama una malengo imara na
unayafuta pesa utapata tu.
Kwa
vyovyote maisha yako yalivyo, kwa vyovyote na hali yoyote uliyonayo hata iwe
mbaya vipi, hauwezi kutoka hapo na kufanikiwa hata upewe pesa nyingi. Pesa hizo
utazipoteza usipokuwa na mikakati imara.
Kwa
hiyo ili uweze kufanikiwa kipesa zaidi, hebu hakikisha una mipango imara,
hakikisha una malengo yaliyo sahihi. Hapo utatengeneza pesa nyingi na kupata
mafanikio.
Tunamalize
makala hii kwa kusema kwamba, kitu kingine chenye nguvu kuliko hata ya pesa
yenyewe ni yale malengo unayojiwekea. Hicho
ndicho kitu chenye nguvu kuliko malengo yenyewe.
Nikutakie
siku njema na endelea kujifunza kupitia dirayamafanikio.blogspot.com kila siku.
Ni
wako rafiki katika mafanikio,
Imani Ngwangwalu,
Mshauri wa mafanikio, mwandishi na mjasiriamali,
Blog, dirayamafanikio.blogspot.com
Mawasiliano; +255 713 048 035,
Email; dirayamafanikio@gmail.com
Apr 27, 2017
Mambo Kumi Ya Kuimarisha Maisha Yako.
Maarifa
ni msingi mkubwa wa mafanikio kwa jambo lolote lile. Ndio maana kwa kadri jinsi
unavyozidi kuwa na maarifa bora na ndivyo maisha yako yanazidi kusimama na kuwa
ya mafanikio makubwa.
Hivyo
kwa mantiki hiyo ni muhimu sana kujifunza mambo yanayoimarisha maisha yako
karibu kila siku. Hebu leo katika makala haya, twende pamoja tujifunze mambo
kumi ya msingi yanayoweza kuimarisha maisha yako.
1. Washindi katika mafanikio hawafanyi
sana mambo tofauti na unayofanya wewe bali wanafanya mambo hayo kwa UTOFAUTI.
2.
Msingi mkubwa wa mafanikio unajengwa na mtazamo wako ulionao. Mtazamo ulionao
ndio unaokufanya ufanikiwe au ushindwe katika jambo unalolifanya.
3.
Mara nyingi fursa kubwa za mafanikio zinakuwa zipo miguuni petu au katika
maeneo yanayotuzunguka. Acha kutumia muda mwingi sana
kuangalia fursa zilizo mbali na wewe na kusahau pale ulipo.
Hapo
ulipo pia kuna fursa, kuwa makini na eneo ulilopo kuangalia fursa
zinazokuzunguka kufanikiwa. Unajua, ni rahisi sana kuona fursa zilizo upande
mwingine na kusahau fursa ulizonazo karibu yako.
4.
Fursa yoyote kubwa ikija kwako kama utaipoteza, sio rahisi fursa hiyo tena
kuweza kujitokeza kwako kwa namna nyingine.
Kwa hiyo kama kuna fursa imejitokeza kwako na una uwezo nayo itumie kwa
uhakika kukufanikisha.
5.
Mtazamo wowote ulionao uwe chanya au hasi, unajengwa na mambo makubwa matatu, Mazingira yanayokuzunguka, uzoefu katika
maisha na elimu. Hayo ndiyo mambo matatu yanayojenga mtazamo wako, Hakuna
mtazamo unaojengwa nje ya mambo hayo hapo.
6.
Faida za MAWAZO CHANYA katika maisha
yako.
Kuongeza ufanisi na ubora katika kazi.
Kuongeza faida kwa ukifanyacho.
Kutatua changamoto nyingi kwa urahisi.
Kupunguza msongo wa mawazo.
Kudumisha mahusiano bora na ya wengine.
7.
Hasara za MAWAZO HASI katika maisha
yako.
Msongo mkubwa wa mawazo.
Kupoteza afya.
Kuwa na hisia nyingi za maumivu.
Maisha yako kukosa maana.
Pamoja
na kwamba unajua hasara za mawazo hasi wengi wetu bado hawabadiliki unajua ni
kwa nini? ni kwa sababu ni asili ya binadamu kukataa mabadiliko, hapo unahitaji
nguvu nyingi ya kukutoa kwenye hali ya mazoea ili ufanikiwe kujenga mawazo
chanya.
8.
Hauhitaji elimu kubwa sana ambayo haina uwezo wa kubadilisha maisha yako, elimu
bora ambayo unaihitaji au unatakiwa
uipate ni elimu ya kubadilisha maisha yako, elimu ambayo itakunyanyua au
kukutoa sehemu moja na kukupeleka sehemu nyingine kimaisha. Mafanikio yako
makubwa yanakuja kwa kujipatia elimu inayotoa thamani ya maisha yako na sio
vinginevyo.
Kwa
hiyo kama kwa namna moja au nyingine umekosa elimu kubwa ya darasani na kufika
mahali unajilaumu kwamba ningesoma ningefika mbali sana kimafanikio, unakosea,
huu sio wakati wa kusikitika. Jifunze kutafuta elimu yenye thamani
itakayobadilisha maisha yako. na habari njema ni kwamba elimu hiyo haipatikani
darasani, inatafutwa mtaani kwa watu sahihi.
Ni
mzigo mkubwa sana kwako na kwa jamii kwa ujumla kuwa umesoma halafu hauna
mafanikio makubwa. Kama iko hivyo kwako, jiongeze kidogo tu, anza kuisaka elimu
sahihi, elimu ambayo itakupa thamani sahihi ya maisha yako na kukubadilisha na
kuwa mtu wa mafanikio. Maisha ya mafanikio hayaji kwa kusoma saana, bali ni kwa
kujifunza vitu sahihi ambavyo vina uwezo wa kubadilisha maisha yako.
9.
Kama vile ambavyo miili yetu ina hitaji chakula kizuri kila siku, pia akili
zetu zinahitaji maarifa bora kila siku ambayo yataweza kutubadilisha hapa
tulipo na kutupeleka eneo zuri zaidi kimafanikio.
10. Njia
mojawapo ya wewe kujisikia vizuri ni kufanya vitu ambavyo hutaweza kuhitaji
malipo yake kutoka kwa wengine. Unapojisikia vizuri ni rahisi sana kuweza
kufanya mambo makubwa na kwa msukumo mkubwa pia ulio ndani yako.
Ni
wako rafiki katika mafanikio,
Imani Ngwangwalu,
Mshauri wa mafanikio, mwandishi na mjasiriamali,
Blog, dirayamafanikio.blogspot.com
Mawasiliano; +255 628 929 816, +255 713
048 035,
Email; dirayamafanikio@gmail.com
Apr 24, 2017
Tatizo Kubwa La Kutokutaka Kukosea Wakati Unatafuta Mafanikio Ni Hili Hapa.
Hakuna
mafanikio ambayo unaweza kuyapata bila kukosea, kama hutakosea na ukaweza
kufanikiwa basi wewe naweza kusema ni miongoni mwa watu ambao wana bahati sana.
Mafanikio ni matokeo ya kujifunza kutokana na makosa.
Tatizo
la watu wengi wanataka kufanikiwa lakini bila kukosea na wanasahau kwamba
hakuna mafanikio yanayoweza kupatikana kwa namna hiyo. Mafanikio yanakuja kwa
kukosea na hilo si kosa, pengine kama unavyofikiri.
Unapotaka
kufanikiwa bila kukosea, kiuhalisa huwezi kufanikiwa sana kwa sababu, tatizo
kubwa la kutokukosea linakufanya ufanye mambo mengi kwa woga na mwisho wa siku
kujikuta ukipata mafanikio kidogo sana.
Kwa hiyo
ikiwa na maana kwamba kama unataka kufanikiwa, kukosea hakukwepeki, na wala
hilo sio suala la kuanza kujutia, ninaposema kukosea si maanishi kukosea kwa
makusudi bali naamanisha zile ‘mistake.’
Kama
kuna kitu umelenga kukifanya, hebu kifanye kwa moyo wote, acha kuwa na woga. Ikitokea
kama umekosea au umefanya makosa kwa bahati mbaya usisimame, endelea kusonga
mbele na kutafuta kilicho bora kwako.
Kushindwa
kwako kutakufanya ujirekebishe na kuwa na uwezo wa kufanikiwa kwa viwango vya
juu sana. Acha kuumizwa na kutokutaka kukosea kwako, kwani kumbuka kila wakati
tatizo kubwa la kutokutaka kukosea ni kushindwa kufanikiwa sana.
Unahitaji
sana kujifunza kutoka kwenye kukosea kwako kila wakati, fanya maisha yako yawe
shule bora ya kuweza kukusaidia kufanikiwa kwa viwango vya juu kabisa, hivyo
ndivyo mafanikio makubwa yanavyojengwa.
Makala hii imeandikwa na Imani
Ngwangwalu, DIRA YA MAFANIKIO.
Apr 21, 2017
Mambo Ya Kuzingatia Pale Unapoanzisha Biashara.
Njia
pekee itakuyokusaidia kuingiza kipato cha ziada na kukupeleka kwenye uhuru wa
kifedha ni kwa wewe kuamua kuanzisha biashara yako na utakayoamua kuisimamia
kikamilifu hadi ikuletee mafanikio.
Ili kuanzisha
biashara na ikafika mahali ukaanza kuona matunda ya biashara yako, kwa kawaida
huwa ipo misingi au mambo ambayo unatakiwa uzingatie sana ili biashara yako
iweze kudumu na kutoa faida uitakayo.
Yafuatayo Ni Mambo Ya Kuzingatia Pale
Unapoanzisha Biashara.
1. Elewa wateja wako wa mwanzo wanataka nini
na hapo utapata picha ya jinsi utavyoiendesha biashara na uzingativu juu ya
kazi. Ukijua wateja wako wanataka kitu gani, itakusaidia sana kuweza kuwapa
huduma hiyo.
2.
Kuwa mbunifu, hilo ndilo jambo kubwa
zaidi, biashara ni zilezile ila kinachofanya wateja wakimbilie biashara yako ni ubunifu wako. Kama usipokuwa mbunifu
na ukataka kufanikiwa kibiashara uwe na uhakika utakwama.
3.
Lugha nzuri kwa wateja na ukarimu, huweza kumasisha kuongezeka wa wateja wengi
katika biashara yako. hakua biashara ambayo italeta mafanikio makubwa kama wewe
mwenyewe una lugha mbovu na wateja wako.
4.
Epuka kutoa pesa ya mtaji kwa mahitaji binafsi utaua biashara. Hakikisha
mahitaji ya biashara na mahitaji yako binafsi unatenga kabisa. ni sumu kubwa sana
katika biashara kama eti huwezi kutofautisha matumizi binafsi na biashara yako.
5.
Jenga utaratibu wa kufanya tathimi ya
biashara yako wapi ulipotokana wapi ulipo na wap unaelekea,? Je, unasonga mbele
au unarudi nyuma, ukiona unarudi nyuma jiangalie upya, kujitathimini na ushituke
mapema kabla jahazi halijazama.
6.
Hifadhi kumbukumbu, hasa matumizi pamoja na mapato hata ya shilingi moja ya
sehem ya biashara. Jambo ambalo watu wengi hasa sisi weusi ni ngumu kwetu, na hii
ni kila siku unatakiwa kufanya. Huwezi kuendesha biashara na ikakua bila ‘documentation’. Hutajua ulikotoka, ulipo na unako enda kibiashara.
7.
Kujifunza kutoka kwa watu mbalimbali wanaofanya biashara kama yako na
kufanikiwa pia usiwapuuze walioshindwa kwani nao wanacho cha kukufundisha.
Jifunze kwao kila siku hadi uweze kufanikiwa.
8.
Kuhakikisha biashara/duka haliishiwi bidhaa na kama likiishiwa bidhaa maana
yake uliowakopesha hawajarudisha, pia jitahidi kuweka mambo, mazingira ya
kuvutia wateja. Ukiweka mazingira hayo ujue ni lazima utaweza kufanikiwa kwa
kiasi kikubwa.
9.
Kujitahidi kuweka aina ya bidhaa ambazo wateja wako watapata kwa urahisi na
jamii itakayo kuzunguka. Mteja anapenda sana duka ambalo kila akienda hakosi
bidhaa ambayo anaihitaji. Hapo ndipo mahali pake.
10.
Jitahidi na jifunze kukubali challenges/changamoto katika biashara yako na kutafuta njia
madhubuti ya kuzimaliza au kuzishughulikia. Ukiwa mtu wa kulia na hutaki
changamoto uwe na uhakika hutafika popote.
11.
Jitahidi kuangalia mbele kadri unavyona faida inaongezeka, jitahidi kuongeza
mtaji na kuzid kupanua biashara, hata kwa kufungua matawi zaidi pengine na
kuongeza ubora na ufanisi.
12. Usafi, ukarimu, kusoma nyakati, utafiti na
ubunifu na ni moja pia ya mambo ya kuzingatia. Eneo lako la biashara likiwa
safi na ukaongeza na ukarimu ni lazima utawavuta wateja wako katika biashara
kwa sehemu kubwa.
Kama
unataka kuanzisha biashara na ikakupa faida, hayo ndiyo mambo ya msingi sana
unatakiwa kuyazingatia na kuyatilia maanani kwa kiasi kikubwa ili kupata mafanikio
makubwa katika biashara yako.
Kila
la kheri katika kufikia mafanikio makubwa kibiashara.
Kama
unapenda kujifunza kwa ukaribu kabisa na sisi na kupata mafunzo mengi zaidi,
karibu kwenye kundi la Whats App,
kujiunga tuma neno THE UNIVESITY OF
WINNER’S, kisha ikifuatia na jina lako kwenda 0713 04 80 35, ili kupata nafasi ya kuunganishwa.
Ni
wako rafiki katika mafanikio,
IMANI NGWANGWALU,
0713
04 80 35,
Apr 20, 2017
Jinsi Ya Kufanikiwa Katika Ulimwengu Huu Wenye Kelele Nyingi.
Tunaishi
katika ulimwengu ambao una vitu au mambo mengi yanayotutaka kila siku
tuyafatilie tena ikiwezekana kwa ukaribu.
Si ajabu
kuamka asubuhi ukakutana na meseji 50 kwenye wasap au ukakutana na habari
nyingi ambazo unatakiwa uzijue na kuzifatilia.
Pia si
ajabu kabla hujakaa sawa ukatumiwa meseji za kawaida au kupigiwa simu kabisa
ambapo kikawaida unatakiwa uzijibu.
Si
ajabu tena ukapewa ‘appointment’ na
mtu ambayo unatakiwa uitekeleze ‘appointment’
hiyo bila kufanya hivyo unaweza kaanza kujihisi mnyonge.
Ukiangalia
kwa siku moja unaweza kuwa na vitu vingi sana vya kufanya ambavyo vyote hivyo
vinataka kutumia muda wako.
Kitu
cha kujiuliza utafanikisha vipi mambo yote hayo kwa muda ulionao? Jibu ni rahisi
tu hapo hutaweza.
Ili uweze
kufanikisha karibu kila kitu hapo na kwenda katika hali ya usawa ya kufanikisha
ukitakacho, unatakiwa kuweka nguvu ya uzingativu kwa jambo moja tu.
Kuwa
na mambo mengi sana na kutaka kuyaacha yote kwa pamoja au kugusa gusa mara
umegusa hiki, mara umeacha utajikuta hufanikiwi kwa mambo mengi.
Kitu
kubwa unatakiwa kujiwekea ratiba ya vitu vya kufanya. Unapoamka asubuhi tambua
kabisa ni mambo gani ambayo utayafanya.
Ukishayajua
mambo hayo anza kutekeleza moja baada ya jingiine bila kuyumbishwa mawazo yako
popote pale.
Ukishaweka
mawazo yako pamoja, usiyumbishwe na kitu mpaka unahakikisha kazi ambayo ulikuwa
umejiwekkea imeweza kufika mwisho kabisa.
Huwezi
kufanikiwa ikiwa akili zako zitakuwa zinaruka ruka ruka mara huku mara kule,
unatakiwa kutulia kufanya kitu kimoja tena kwa utulivu mkubwa.
Hakuna
muujiza ambao unaweza ukautumia kuweza kufanikiwa katika dunia hii yenye mambo
mengi zaidi tena bila kuweka nguvu zako nyingi za uzingativu pamoja.
Watu
wenye mafanikio ndio wanavyofanya na kufanikiwa. Ni watu wa kufatilia jambo moja
kwa umakini na utulivu mkubwa mpaka kuona kila kitu kipo sawa.
Hebu
anza leo kuweka nguvu zako kwenye jambo lako moja hadi likupe mafanikio,
kinyume cha hapo utakuwa unajidanganya sana.
Hivi
ndivyo unavyoweza kufanikiwa katika ulimwengu ambao una kelele na mambo mengi
sana, kikubwa weka nguvu ya uzingativu.
Chukua
hatua katika kufikia mafanikio makubwa.
Ni
wako rafiki katika mafanikio,
Imani Ngwangwalu.
Apr 19, 2017
Pesa Inatakiwa Kuja Kwako Kwa Sababu Hii.
Kila binadamu amezaliwa kama mchumi na anapaswa kuwa mchumi,
lakini kwa wastani watu wengi siyo wachumi kwa sababu hatujui thamani ya vitu
ambavyo tayari tunavyo.
Kuwa mchumi maana yake siyo kuwa mbahili, bali ni ile
hali ya kuweza kupata matokeo makubwa kutokana na matumizi kidogo. Kazi ya
kupata matokeo makubwa kutoka kwenye matumizi madogo.
Hiki si kitu cha hivi hivi bali ni..kitu
kinachotulazimu wote kujifunza “menejimenti” ya rasirimali mbalimbali kwa lengo la
kupata bidhaa au huduma. Unapojifunza menejiment inakusaidia kufanikiwa.
Katika mtazamo wa maisha ya binadamu ni kwamba neno “menejimenti” ni uwezo wa wewe kuweza kuongeza thamani
ya kipaji chako ambacho kimsingi ndiyo zawadi uliyopewa na Mungu.
Zawadi au kipaji chako unatakiwa ukitoe nje katika sura ya suluhisho
kwa matatizo yanayoikabili jamii na dunia kwa ujumla na hasa tukianza na wale
waliotuzunguka. Je, kitu cha kujiuliza, unakitumia kipaji chako?
Ili haya yote yaweze kufanyika ni lazima kila mmoja ajifunze
kuwa na kuishi maisha ya “meneja”. Kuwa meneja siyo lazima uwe bosi au msomi
uliyebobea bali ni ule uwezo wa kuweza kuunganisha nguvu ya akili na nguvu ya
mwili kuzalisha bidhaa au huduma.
Pia lazima kazi ya menejimenti iambatane na udhibiti katika
kutumia rasilimali zilizopo ili hatimaye mambo makubwa yatokee kutoka kwenye
mambo madogo. Naamini hili linawezekana.
Endapo ukiamua kuwa na kuishi kama meneja, pesa ni rahisi
kuipata, na katika hali ya kawaida hakuna sababu ya pesa kutokuja kwako. Kwa
maneno mengine, pesa siyo tatizo bali tatizo ni “manejimenti ya pesa”.
Pesa inahitaji nidhamu, juhudi, maarifa bila kuchoka na
udhibiti. Watu wengi tunafaulu kiasi fulani kipengele cha kutafuta pesa, lakini
mbinu tunazotumia kudhibiti pesa zetu ni za kizamani sana na zimepitwa na
wakati.
Matokeo yake, pesa nyingi tunayoipata, hatujui inapoteaje na
inaenda wapi. Na kila wakati hubki tunajiuliza maswali mengi sana kwa nini kila
wakati tunaishia na pesa, kumbe tatizo ni “menejiment” ya pesa.
Maana nyingine ya manejimenti ni ile hali ya kuwa mbunifu,
mwangalizi na mdhibiti wa rasirimali ili ziweze kutumika kulingana na
vipaumbele vilivyowekwa na mhusika. Katika historia ya maisha ya binadamu,
imeonekana kuwa Mungu huwa hatoi pesa kwa waumini BALI yeye utoa pesa kwa“mameneja”.
Kila wakati unapoomba kupata pesa Mungu anakupa WAZO. Tatizo la
waumini wengi tunataka taslimu (cash), hatutaki MAWAZO. Na tukumbuke kuwa, ili
mawazo yetu yaweze kubadilika kuwa pesa, lazima kitumike kitu kinachoitwa “menejimenti”.
Kwa maana nyingine ni kwamba, pesa yoyote inakuja kwako endapo
utatumia “menejimenti” katika kutumia vizuri rasilimali kwa
malengo na makusudio ya WAZO linalokujia akilini mwako.
Usidhani wewe huna pesa, nasema pesa unayo, LAKINI unachokikosa
ni menejimenti ya mawazo pamoja na jinsi ya kuyageuza kuwa pesa. Manejimenti
ndiyo lengo la msingi kwa binadamu yoyote yule.
Ukweli ni kwamba, kila utakaposhindwa kuwa na menejimenti ya
vitu au mawazo uliyonayo lazima upoteze hata hicho kidogo ulichonacho.
Menejimenti ndiyo inayovuta rasilimali zingine kuja kwako. Kama hakuna
menejimenti, biashara yoyote haiwezi kukua hata kidogo.
Kutokana na sisi kushindwa kuwa mameneja wa maisha yetu; ndiyo
maana hatuwezi kulipa madeni tunayodaiwa; ndiyo maana tunawafanyia kazi watu
wengine hata kama wanatutukana na kutudharirisha bado tunawafanyia kazi
kwasababu moja tu! tumeshindwa kuwa mameneja wa mstakabali wetu wa maisha yetu.
 |
| Jenga sababu ya pesa kuja kwako. |
Kutokana na kushindwa au kupuuzia umuhimu wa menejimenti;
tumebaki kuwa watu wa kutegemea “miujiza”. Lakini kumbuka
kwamba miujiza siku zote ni kwa wale watu wavivu, kwa wachapa kazi hakuna
miujiza.
Endelea kujifunza kila siku kwa kutemblea DIRA YA MAFANIKIO kila siku, kama unataka kujifunza kwa ukaribu na
kuendelea kupata mafunzo mengi, jiunge nasi kwenye kundi la whats app. Kujiunga tuma neno THE UNIVERSITY OF WINNER’S kwenda 0713 04 80 35 ili kuunganishwa.
MAKALA HII IMEANDIKWA
NA CYPRIDION MUSHONGI WA MAARIFA SHOP BLOG.
Apr 18, 2017
Kama Kweli Unataka kufanikiwa Wekeza Akili Yako katika Jambo hili.
Kuna wakati
mwingine watu hushindwa kulitekeleza jambo fulani sio kwa sababu hawajui jambo
hilo au eti kwa sababu hawana uzoefu wa jambo hilo, la hasha huo si kweli watu
wengi wanashindwa katika kulifanya jambo fulani kwa sababu
wanakosa"umakini" juu ya kulitenda jambo hilo.
Na umakini ni
ile hali ambayo ambayo mtu anakuwa nayo kutoka nafsini mwake katika kulitenda
jambo fulani, lakini kulitenda jambo hilo bila kufikiri ni sawa na bure, hivyo
kila wakati unahitaji kujenga umakini kwa kuwekeza nguvu na akili katika
kufikiri na kutenda jambo hilo.
Kamwe
hutoweza kufanikiwa kama utaendelea ile tabia ya kutofanya vitu kwa
umaikini. Kwani siri kubwa ya kushindwa kufanikiwa kwako ipo katika jambo
hilo. Nasisitiza swala hili la kutenda mambo kwa umakini kwani pindi mtu
anaamua kuwa makini humsaidia mtu huyo kuongeza ufanisi wa kiutendaji wa jambo
husika na mara nyingine kutenda jambo kwa umakini huumfanya mtendaji wa jambo
hilo kuepuka kurudia makosa katika kulitenda jambo hilo.
Hivyo umakini
katika kila nyanya na masuala mbalimbali ya maendeleo yako binafsi na ya jamii
kwa ujumla yanahitajika kwa kiasi kikubwa, hivyo kama unataka kufanikiwa kwa
kiwango kikubwa unatakiwa kuwa makini kwa kila jambo.
Mwisho jitahidi kuwa makini juu ya mambo haya;
1. Kuwa
makini katika kuchagua mawazo ya mambo ambayo unataka kuyatenda.
2. Kuwa
makini katika kubeba mawazo na ushauri wa watu mbalimbali ambao wanakuzunguka.
Au kwa maneno mengine tunaeza kusema kuwa makini na wewe mwenyewe na watu
wengine.
3. Jitahidi
kadri uwezavyo kuwa makini katika katika kufanya upembuzi yakinifu ni wapi
ambapo umetoka ni wapi ambao unaelekea.
4. Kuwa
makini katika katika kuchagua marafiki wenye tija kwako kila wakati.
5. Kuwa
makini katika kuwekeza mambo ambayo unajifunza mara kwa mara. Jiulize yana tija
gani kwako.
6. Kuwa
makini katika kutambua thamani ya muda na pesa.
Hayo ni baadhi ya maeneo machache kati ya mengi ambayo unatakiwa kuwekeza fikra katika kulitenda jambo fulani.
Hayo ni baadhi ya maeneo machache kati ya mengi ambayo unatakiwa kuwekeza fikra katika kulitenda jambo fulani.
Endelea
kutembelea blog hii ya DIRA YA MAFANIKIO
kila wakati, kwani tunaamini siri ya mafanikio yako ipo katika blog hii.
Imeandikwa na afisa mipango; Benson Chonya,
bensonchonya23@gmail.com
bensonchonya23@gmail.com
Apr 17, 2017
Kuwa Makini Sana Na Mambo Haya Yanaweza Kukuzia Kufanikiwa Kwako.
Kuna wakati unaweza ukawa unashangaa kwa nini
ndoto zako hazitimii? Utakuta umejiwekea malengo yako vizuri, lakini
unashangaa ni malengo machache sana yanayotimia au wakati mwingine hakuna kabisa.
Sina shaka yoyote umeshawahi kukutana na hali
kama hii wakati fulani katika maisha yako. Kiuhalisia, yapo mambo mawili ambayo
kitaalamu hupelekea ndoto zako kushindwa kutimia ikiwa hutayajua vizuri.
Jambo la kwanza, ni kutokujua kile unachokitaka
vizuri. Hili ni jambo ambalo hupelekea wengi kushindwa kufanikisha ndoto zao
kabisa. Kama hujui kile unachokitaka vizuri, suala la kufanikisha ndoto zako
litakuwa gumu kidogo.
Katika akili yako ili uweze kufanikisha ndoto
yako au jambo unalolitaka kwa urahisi, ni lazima kile kitu unachokitaka uweze
kukijua vizuri. Tambua njia utakazotumia hadi kukipata kitu hicho pia tambua
kitu hicho changamoto zake ni zipi.
Acha kufanya kosa la kuuchanganya ubongo wako
kwa kuupa vitu vingi. Kuwa maalumu kwa kujua vizuri kile unachokitaka. Usipojua
kile unachokitaka kwa uhakika na kukifanyia kazi, ni wazi hutaweza kufanikiwa
na hilo halina ubishi.
Jambo la pili, ni kukosa hamasa ya kutosha kwa
kitu hicho unachokitaka. Hamasa ni kitu cha muhimu sana ili kufikia ndoto zako.
Ukishakijua kitu hicho vizuri, hamasa itakusaidia kufanya kila jitihada hata
kama umechoka.
Wengi ni watu wa kutaka kufikia lengo fulani
katika maisha yao, lakini kwa bahati mbaya hujikuta ni watu wa kukosa hamasa ya
kuwasukuma kuweza kukamilisha malengo yao.
Ili kufanikiwa, fanya kila ufanyalo kuhakikisha
una hamasa ya kufanya hicho unachotaka kukifanya katika maisha yako. Inapotokea
hamasa hiyo umeikosa acha kusimama eti kwa sababu ya kukosa hamasa.
Maisha hayasimami eti kwa sababu wewe hujisikii
kufanya kitu fulani au umekosa hamasa. Endelea kusonga mbele, huku ukitafuta
hamasa ya kufanikiwa kwako kila siku. Ukifanya hivyo utafika mbali kimafanikio.
Katika hali ya kawaida, kama kila wakati unakosa
mambo haya mawili suala la kufanikiwa kwako linakuwa ni gumu sana. Hivyo, ni
lazima sana kwako kujua vizuri kile unachokitaka na kuwa na hamasa kubwa yaani
‘burning desire’ ya kuhakikisha kitu hicho ni lazima unaweza
kukipata.
Ukichunguza watu wengi ambao hawajafanikiwa
wanashindwa kufanikiwa kwa sababu hizi mbili tu na si vinginevyo. Kama
unafikiri natania anza kufatilia, huku lakini ukianza na wewe.
Kama unajiona hujafanikiwa vya kutosha jiulize
binafsi je, unakijua vizuri kile unachokitaka na huna tamaa ya kutaka
hiki mara kile na mwisho wa siku kuwa na malengo mengi yasiyotekelezwa?
Usiishie hapo tu, tena kama unaona hujafanikiwa
vya kutosha jiulize, je, una hamasa kubwa ya kuona ndoto zako zinatumia? Je,
unakosa usingizi na kuamua kujituma usiku na mchana hadi kufanikiwa?
Ukipata majibu ya maswali hayo yatakusaidia sana
kuweza kufanikiwa na kuwa mtu mwingine tofauti na hatimaye kuweza kufanikisha
zoezi zima la kutimiza ndoto zako. Jitoe kikamilifu kuona ndoto zako zinatimia
kwa kuyajua mambo hayo mawili.
Ni
wako rafiki katika mafanikio,
Imani Ngwangwalu,
Mshauri wa mafanikio, mwandishi na mjasiriamali,
Blog, dirayamafanikio.blogspot.com
Mawasiliano; +255 628 929 816, +255 713
048 035,
Email; dirayamafanikio@gmail.com
Apr 16, 2017
DIRA YA MAFANIKIO; Ujumbe Wetu Kwako Katika Siku Hii Ya Pasaka.
Habari za
muda huu mpendwa msomaji wetu wa blog hii ya DIRA YA MAFANIKIO, ni matumaini yetu u mzima na unaendelea vyema na
pilikapilika za hapa ili kuhakikisha mkono unaenda kinywani.
Ikiwa leo ni
siku ya tarehe 16/04/017, siku hii ni muhimu sana duniani kote kwani ni siku
ambayo tunasherehekea sikukuu ya pasaka. Siku hii kwa mujibu wa mandiko katika
biblia ni siku ambayo tunaadhimisha kufufuka kwa bwana yetu Yesu kristo.
Kwa
kulitambua hilo uongozi mzima wa blog hii, unapenda kuchukua nafasi hii adhimu
kuweza kukutakia siku njema katika kusheherekea siku hii, huku tukuzidi
kukumbusha siku hii ifanye ni siku ya kumuomba na kumshukuru mwenyezi Mungu kwa
uzima na mafanikio ambayo amaekujalia. Usifanye siku hii kama ruksa au sehemu
ya kutenda dhambi.
Kwani tumekuwa
tukishuhudia baadhi ya watu siku kama hii ya leo, wamekuwa wakieguza kama
sehemu ya kuanguka dhambini. Hivyo tunachokudisitiza ni kwamba epuka mambo
ambayo yatakufanya uanguke katika mambo ambayo ni chukizo mbele ya Mungu.
Mwisho kabisa
tunashukuru kwa namna mmoja ama nyingine kuwa mdau wetu mzuri, katika
kufuatilia makala mbalimbali ambazo zimekuwa zikiwekwa katika mahala hapa, ni
imani yetu zinakusaidia kwa kiwango kikubwa sana, kwa falsafa yetu inasema
Badili maisha yako kwa kuwa na fikra sahihi kwa kila kitu huanza katika fikra.
Endelea kuwa
sehemu yetu kwa kusoma makala mbalimbali mahala hapa, nasi tutaendelea kuwa
sehemu yako kwa kukuleta elimu zitakazo kusaidia kupata mafanikio zaidi. Pia
kwa maoni na ushauri wowote usisite kuwasiliana nasi.
"Tunakutakia
pasaka njema na siku njema kwako"
Asante.
Asante.
Imeandaliwa na uongozi mzima wa blog ya Dira Ya Mafanikio.
Apr 15, 2017
Tafakari Kwa Kujifunza Mambo Haya Yatakayoboresha Maisha Yako Leo.
1. Mafanikio makubwa sana utayapata kama unafanya
kitu ambacho unakipenda sana toka moyoni. Ikiwa hukipendi kile unachokifanya
yaani unakifanya kitu hicho kwa kujilazimisha uwe na uhakika, hutafanikiwa
sana.
Hivyo kila wakati pata muda wa kujiuliza je, ni kitu
gani ambacho unakipenda? Kisha baada ya hapo kifanye kitu hicho kwa nguvu zote.
Kumbuka siku zote mafanikio makubwa yanakuja kwa kufanya kile kitu
unachokipenda.
2. Ni rahisi kufanikiwa na kupata karibu kila kitu
unachokihitaji katika maisha yako ikiwa utakuwa tayari kuwasidia wengine nao
kuweza kufanikiwa. Ndio maana mara nyingi watu wenye mkono wa ‘birika’ si rahisi sana kuweza kuwaona
wakifikia viwango vya mafanikio makubwa.
Jiulize kitu gani ulichonacho ambacho unaweza
ukakitoa na kikawa msaada mkubwa kwa wengine? Kama kitu hicho unacho hebu
kitoe, acha kukaa nacho tu wewe peke yako, washirikishe na wengine ili kiwe
baraka kwenu wote.
3. Kama unataka kuwa TAJIRI, kila wakati hakikisha unakuwa na akili ya kijasiriamali na kujitahidi sana kufanya yale kama wanayoyafanya matajiri hata kama umeajiriwai. Ikiwa utakwenda kinyume cha hapo sahau kabisa kuwa TAJIRI maishani mwako.
4. Kitu kibaya katika maisha yako ni kule kujishusha
na kujiona ni mdogo kumbe wakati hata hauko hivyo. Wengi wanatabia ya kujishusha
sana na kujiona ni kama wadudu kumbe ni wakubwa sana kuliko fikra zao hizo.
Hebu jiulize ni kwa nini unajishusha sana na kujiona
hufai? Je, unafikiri kuna kitu ambacho umekikosa hadi ikapelekea ukajiona
mnyonge kiasi hicho. Sikiliza hujaumbwa ili uwe mnyonge au uwe mdogo kama
unavofikiri, wewe ni mtu tofauti sana.
Amini unaweza ukapata mafanikio mara kumi ya hapo
ulipo sasa. Unashangaa, ndio unaweza kufanikiwa zaidi ya mara kumi ya hapo
ulipo wala hutakiwi kujiwekea mipako. Kila kitu kinawezekana kwako ukiweka nia
na kuamini, itakuwa.
5. Kila wakati jiulize ni kwa namna gani kupitia
kile unachokifanya utakwenda kubadilisha maisha ya wengine na kuwafanya wawe
watu wa mafanikio. Jitahidi kila siku uwe baraka kwa wengine. Weka juhudi si za
kukusaidia wewe tu ila mpaka kuwasadia wengine pia.
Kwa hiyo unapotafuta pesa kumbuka zote sio zako,
tenga angalau kidogo ambazo unaweza ukampa yule ambaye hajiwezi. Kama ambavyo
nasema mara kwa mara, wakati mwingine mafanikio makubwa yanakuja kupitia utoaji
wako. Je, unatoa kiasi gani kuwasaidia wenye uhitaji hapo ndipo mafanikio yako
yalipo.
Ni
wako rafiki katika mafanikio,
Imani Ngwangwalu,
Mshauri wa mafanikio, mwandishi na
mjasiriamali,
Blog, dirayamafanikio.blogspot.com
Mawasiliano; +255 713 048 035,
Email; dirayamafanikio@gmail.com
Apr 14, 2017
Mambo Matatu Yatakayokusaidia Kuwa Mtu Wa Heshima Katika Jamii Yako.
Hakuna
ubishi wowote, heshima ni moja ya kitu ambacho karibu kila mtu anakitafuta
katika maisha yake. Hakuna mtu ambaye hataki asiwe wa kuheshimika, heshima
inatafutwa na watu wengi sana.
Ndio
maana utakuta kuna watu wanatumia pesa au mbinu nyingi sana kuweza kujenga
heshima. Hali hiyo yote inaonyesha kwamba heshima ni mojawapo ya kitu cha
thamani na kinachokubalika sana katika jamii yoyote ile.
Pamoja
na umuhimu wa heshima kwa wengi, sasa kitu ambacho tunatakiwa tujiulize mimi na
wewe ni kwamba, je, kati yetu ni wangapi hasa wanajua namna ya kujenga heshima
zao katika jamii?
Je,
pesa peke yake ndio ina uwezo wa kujenga heshima? Au ni kitu gani ambacho
unatakiwa uwe nacho ili kikusaifdie kuweza kujenga heshima kubwa katika jamii
na kujikuta ukikumbukwa pengine vizazi na vizazi?
Katika
makala haya tumekuandalia dondoo muhimu za kufuata na ambazo zitakusaidia
kuweza kujenga heshima katika jamii yako. Kama nia yako ni kutaka kujenga heshima
na ukawa mtu wa kuheshimika, fahamu mambo haya;-
1. Toa thamani.
Ili
uweze kujenga heshima kubwa kwa jamii inayokuzunguka, toa thamani, fanya vitu
ambavyo vinagusa maisha ya watu. Haijalishhi unafanya kitu gani lakini
lilokubwa fanya kitu ambcho kinagusa maisha ya watu, kina mchango wa kubadili
maisha ya wengine.
Siku
zote haijalishi una pesa za kiasi gani, lakini je, kupitia hizo pesa wewe
binafsi unatoa mchango gani kwa wengine kufanya maisha ya yakabadilika? Watu
wote wanaotoa thamani na kuweza kubadili maisha ya wengine ni watu wa
kuheshimika.
Kama
unafikiri natania kuhusu hili angalia watu waliokuwa wakipagania uhuru, heshima
zao zikoje katika jamii zao, utangudua heshima zao ni kubwa sana. Hivyo hiyo
inatuonyesha njia mojawppo ya kujiwekea heshima toa thamani kwa kugusa maisha ya
watu.
2. Wakubali watu.
Mbali
na kutoa thamani, njia mojawapo nyingine ambayo inaweza kukujengea heshima ni kuwakubali
watu. Kubali mawazo yao wanayotoa ila kama kweli yanasaidia kujenga jamii au
kuwasaidia wengine.
Kama
unahitaji kuwakosea, tafadhari usiwakosoe hadhari, jitahidi ukosoe kwa pembeni.
Hiyo pia ni njia nzuri ya kukusaidia kujua au kutambua kwamba yapo makosa
ambayo umeyaona na ni muhimu kurekebishwa.
3. Unapokosea, omba msamaha.
Hakuna
mtu ambaye tunaweza tukasema yupo kamili kwa asilimia zote. Hivyo, unapokosea
iwe kwa jamii yako au kwa watu wako wa karibu, hebu kuwa mwepesi wa kuomba
msahamaha.
Msahama
ni kitu kidogo sana lakini utakusaidia kukujengea picha kwa watu wengine kwamba
una busara. Kwa sababu ya busara zako utajikuta ukiwa ni mtu wa kuheshimika
karibu na watu wote.
Hizi
ni mbinu miuhimu ambazo mtu yoyote anayataka kuheshimiak katika jamii yake
anaweza akazitumia kama njia mjawapo ya kumsaidia kumjengea heshima kubwa
katika jamii yake.
Kumbuka
unapokuwa unaheshimika katika jamii yako hiyo inakupelekea wewe kuweza
kukubalika na kuaminika kwa kiasi kikubwa sana katika maisha yako.
Tunakutakia
siku njema na mafanikio mema yawe upande wako,
Endelea
kujifunza kupita DIRA YA MAFANIKIO
kila siku kupata maarifa yatakayobadilisha maisha yako.
Ni
wako rafiki katika mafanikio,
Imani Ngwangwalu,
Mshauri wa mafanikio, mwandishi na
mjasiriamali,
Blog, dirayamafanikio.blogspot.com
Mawasiliano; +255 628 929 816, +255 713
048 035,
Email;
dirayamafanikio@gmail.com
Subscribe to:
Posts
(
Atom
)
