Nov 1, 2018
Kama Unataka Kufanya Jambo Lolote Ili Ufanye Kwa Urahisi Na Mafanikio, Tumia Kanuni Hii.
Katika ulimwengu wa mafanikio, zipo kanuni nyingi sana ambazo kama ukizitumia zinatenda kazi na zinakupa matokeo makubwa sana kwako. Moja ya kanuni ambayo kama ukiitumia inaleta matokeo makubwa ya kimafanikio ni kanuni ya kutenda kwa kidogo. Hii ni kanuni ambayo ina matokeo makubwa sana kwako kama ukiielewa.
Kanuni hii inasema, kabla hujaamua kufanya kitu chochote,
jiulize unawezaje kufanya kitu hicho kwa kutumia nguvu kidogo. Kila wakati
epuka kufanya mambo yako kwa kutumia nguvu nyingi sana. Kwa mujibu wa kanuni
hii, unatakiwa kujifunza namna ya kutumia nguvu kidogo tu ili uweze kufanikiwa.
Naomba usinielewe vibaya, hapa sizungumzii swala la wewe kuwa
mvivu bali kutumia nguvu kidogo ila unafanya mambo makubwa. Tambua ipo namna ya
wewe kutenda mambo makubwa tu kwa kutumia nguvu kidogo. Naona hapa unaanza
kunishangaa na kujiuliza hili linawezekana, kivipi? Usipate tabu juu hilo ila
naomba nikupe mifano.
Inachukua nguvu kidogo sana kuweka akiba ambayo itakusaidia
kuliko kujikalia tu huku ukiwa huna akiba yoyote.Kama unaweka pesa kidogo
kidogo ni rahisi kukuza pesa zako hata kama ni kwa kidogo kuliko kizisubiri
zikawa nyingi kwa pamoja.
Inachukua nguvu kidogo sana kutatua tatizo mapema kuliko
ukaaliacha tatizo na likawa kubwa, hilo litakushinda. Watu wengi wanajikuta
wanashindwa kwa sababu ya kutumia nguvu zao nyingi kutatua tatizo badala
wangetumiaz nguvu hizo kulizuia.
Inachukua nguvu kidogo sana kula kwa afya kuliko ukajilia kila
aina ya chakula na mwisho wa siku ukaanza kujitibu kwa shida. Ukiangalia kula
kwa faya hakutakugharimu kitu, lakini kutibu tatizo la kiafya itakusumbua sana
hiyo kwako.
Inachukua nguvu kidogo sana kufanya sasa, kuliko ukaairisha
jambo hilo na kusema utalifanya kesho. Nguvu itakayoitumia kesho itakuwa kubwa
sana. Hapa unatakiwa kujua kuahirisha airisha kila wakati, kutakufanya wakati
siku unaanza utumie nguvu nyingi sana.
Inachukua nguvu kidogo kubadili ‘oil’ ya gari lako mara kwa mara, kuliko nguvu kubwa utakayotumia
kubadilisha injini ya gari zima. Uzembe mdogo wa kushindwa kubadilisha mafuta
ya kwenye gari yako inaweza ikapelekea wewe ukaua injini kabisa.
Inatumia nguvu kidogo sana kuanza kujenga nyumba yako kama
utaanza kidogo kidogo, kuliko ambavyo ungekaa na kusema ningeanza mwakani au
siku nyingine. Kuanza kwa kidogo ujenzi wako itakuwa ni bora sana kwako.
Hivi ndivyo unavyoweza kutumia nguvu kidogo kufanya mambo yako
makubwa au tunasema jinsi unavyoweza kufanya mambo makubwa kwa kutumia kanuni
ya LESS IS MORE. Kanuni hii ni muhimu sana kukupa mafanikio.
Kwa chochote kile unachotaka kukifanya tafuta namna ya kukifanya
kitu hicho kwa kutumia nguvu kidogo sana na ambazo hazitakusumbua. Fanya hivi
kila siku na kila wakati na utafika mbali.
Fanyia kazi haya na chukua
hatua kuhakikisha ndoto zako zinatimia.
Tunakutakia kila la kheri na
endelea kutembelea dirayamafanikio.blogspot.com kila siku kujifunza maisha na
mafanikio.
Pia
rafiki, kama unapenda kujifunza zaidi kuhusu mafanikio, karibu kwenye kundi la WHATS APP LA MAFANIKIO, kujiunga tuma
neno THE UNIVERSITY OF WINNER’S
kwenda 0713 048 035, hapo utapata
utaratibu mzima wa kujiunga.
Kama
wewe ni mfugaji wa kuku na unahitaji vifaranga bora, waone DM POULTRY FARM PROJECT kwa huduma ya uhakika. Hawa ni wauzaji wa
vifaranga wa kuku aina ya KUROILER,
SASSO, KIENYEJI ASILIA na KUCHI. Kwa mahitaji ya vifaranga wasiliana nao
kwa 0767 048 035 au 0686 141097 na
wote mnakaribishwa.
DAIMA TUPO PAMOJA MPAKA MAISHA YAKO
YAIMARIKE,
Ni
wako rafiki katika mafanikio,
Imani Ngwangwalu,
Mshauri wa mafanikio, mwandishi na
mjasiriamali,
Mawasiliano; +255 767 048 035, +255 713
048 035,
Email; dirayamafanikio@gmail.com
Subscribe to:
Post Comments
(
Atom
)
No comments :
Post a Comment
Note: Only a member of this blog may post a comment.