Jun 12, 2020
Kitu Unachosahau Sana Unapokuwa Kwenye Wakati Mgumu.
Kipo
kipindi ambacho unaweza ukajikuta upo kwenye wakati mgumu sana kwenye maisha yako,
nikiwa na maana mambo yako kila ukiangalia hayaendi na unaona ni kama kila kitu
kimesimama na unakuwa umeyumba.
Hiki ni
kipindi kinachochanganya, ni kipindi ambacho kinakatisha tamaa, ni kipindi ambacho
wengi huwa wanafikiri ni wao wanakipitia tu, kumbe kuna watu tayari
walishapitia na kuvuka katika kipindi kama hicho.
Naamini,
unaelewa mpaka hapa ninachoongea na pengine una uzoefu wa kupitia nyakati ngumu
kama hizi ninazozizungumza hapa. Je, ni mawazo gani ambayo huwa yanakuja
unapokuwa kwenye nyakati ngumu kama hizi.?
Najua huwa kuna mawazo mengi, lakini hata hivyo huwa kuna kitu ambacho wengi wanasahau sana wanapokuwa kwenye nyakati hizo ngumu. Kwa kusahau huku hupelekea kuingia zaidi kwenye tatizo badala ya kutoka.
Najua huwa kuna mawazo mengi, lakini hata hivyo huwa kuna kitu ambacho wengi wanasahau sana wanapokuwa kwenye nyakati hizo ngumu. Kwa kusahau huku hupelekea kuingia zaidi kwenye tatizo badala ya kutoka.
Je, huwa
unasahau nini unapokuwa kwenye wakati mgumu? Kitu ambacho huwa unasahau sana
unapokuwa kwenye wakati mgumu ni kwamba unasubiri mambo yakawe sawa yenyewe na
kusahau kuchukua hatua.
Kama upo
kwenye wakati mgumu na unaendelea kusubiri mambo yakawe sawa yenyewe unajidanganya
na kujipoteza. Unatakiwa kuchukua hatua, unatakuwa kutafuta njia na si kusubiri
kusubiri hapo ulipo.
Unatakiwa
kukumbuka, njia ya mafanikio yako haitafutwi kwa kusubiri, inatafutwa kwa wewe
kuendelea kusonga mbele na si kusubiri subiri. Ukiendelea kusubiri
hujishughulishi, nakwambia utaishia kukwama hapo ulipo.
Kama umekuwa
ni mtu wa kufanya kosa hilo nikwambie, amka upesi kutoka hapo ulipo kwenye
usingizi na kisha nenda kaipiganie ndoto yako na ili mambo yaweze kusonga mbele
na kufika mbali kimafanikio.
Kusubiri
subiri, kunaumiza matumbo, amka, nenda ukachukue hatua, tafuta njia ya
mafanikio yako mwenyewe. Hakuna njia ya mafanikio itakayopatikana kwa wewe
kuendelea kukaa hapo na kusema ipo siku mambo yatakuwa sawa.
Maisha
ya mafanikio yanapatikana kwa kuchukua hatua ndogo ndogo za kila siku. Chukua hatua
hizi ndogo kila siku, ili ufike utengeneze maisha yako. Kama huchukui hatua hizi
ndogo, nikwambie unakwama na itakuwa ngumu kwako kufanikiwa.
Kumbuka,
kitu unachosahau sana unapokuwa kwenye wakati mgumu unasubiri mambo yakawe
sawa yenyewe na kusahau kuchukua hatua na kusahau kutafuta njia ya mafanikio
yako. Jikumbushe jambo hili kila wakati, na uchukue hatua.
Pia rafiki, kama unapenda kujifunza
zaidi kuhusu mafanikio, karibu kwenye kundi la WHATS APP LA
MAFANIKIO, kujiunga tuma neno THE UNIVERSITY OF
WINNER’S kwenda 0713 048 035, hapo
utapata utaratibu mzima wa kujiunga.
Kumbuka, ufalme hauji kwa maneno bali unakuja kwa
vitendo,...chukua hatua.
Nikutakie kila la kheri,
DAIMA TUPO
PAMOJA MPAKA NDOTO ZAKO ZITUMIE,
Ni wako rafiki katika
mafanikio,
IMANI NGWANGWALU,
Mawasiliano, Whats app;
0713048035,
Email;
dirayamafanikio@gmail.com
Subscribe to:
Post Comments
(
Atom
)
No comments :
Post a Comment
Note: Only a member of this blog may post a comment.