May 5, 2016
Mambo 3 Yanayoogopwa Na Watu Wengi Katika Maisha.
Ni
ukweli usiopingika kwamba kati ya kitu kimojawapo kinachomsumbua binadamu ni
woga wa mambo mbalimbali. Binadamu huyu amekuwa mwoga wa kifo, ni binadamu huyu
huyu pia amekuwa mwoga wa kuachwa na mpenzi au mwoga wa mambo madogo hata yale ambayo anauwezo wa kuyamudu au hayastahili kuogopwa sana.
Lakini
pamoja na woga wa mambo hayo, yapo mambo matatu ambayo yamekuwa yakiogopwa sana
na watu wengi katika maisha. Mambo haya yamekuwa yakiwanyima na kuwapotezea
wengi furaha hasa pale kila wanapoyakumbuka. Kwa kusoma makala haya utayajua
mambo haya vizuri ambayo wengi wanayaogopa. Je, unajua ni mambo gani? Twende
pamoja kujifunza.
1. Woga wa kuogopa kuzeeka.
Kati
ya kitu ambacho kinawatisha watu walio wengi ni kule kuogopa kuzeeka. Hakuna
ambaye anapenda kuzeeka. Kila mtu anapenda kuonekana akiwa kijana siku zote
ingawa kiuhalisia ni kitu ambacho hakiwezekani. Utake usitake ni lazima uzeeke
hata ufanyaje. Kuzeeka ndio asili ya maumbile yetu wanadamu. Hofu hii ya
kuzeeka ipo sana kwa watu wengi ingawa lakini, kwa wanawake ndio wanaongoza kwa
kuwa na woga wa kuzeeka kuliko wanaume.
 |
| Jifunze kuukabili woga wako. |
2. Woga wa kuogopa kuwa mpweke.
Si
woga tu wa kuzeeka ambao unaonekana kuwa tishio kwa watu wengi, bali pia kwa
siku za hivi karibuni woga wa kuwa mpweke umeshika kasi sana. Wengi wanaogopa
kuishi maisha ya upweke. Upweke ninaozungumzia hapa ni upweke wa kuishi bila
mume au mke. Pia kwa bahati mbaya na katika hili wanawake wapo kwenye hofu sana
ukilinganisha na wanaume. Hofu ya upweke imekuwa ikitawala sana kutokana na
watu wengi kutotaka kuoa au kuolewa. Hivyo wengi wanakuwa wana wasiwasi na
kujiuliza kama watakuwa wapweke sasa, uzeeni itakuwaje?
 |
| Wengi upweke unawatesa. |
3. Woga wa kuogopa mabadiliko.
Woga
mwingine unaoogopwa na wengi ni woga wa kuhofia mabadiliko. Kiasili binadamu ni
mwoga wa madiliko hata kama mabadiliko hayo yana manufaa kwake. Kitu ambacho
mtu anakata ni kubaki katika lile eneo alipo na kutulia hata kama liamuumiza,
lakini ili mradi mabadiliko kwake mtu huyo ysiwepo. Kutokana na wengi kuhofia
sana mabaliliko hali hiyo hupelekea maisha kuzidi kuwa magumu kwa wengi kutokana
na kule kushindwa hata kubadili mambo yatakayowasaidia katika maisha yao.
 |
| Fanya mabadiliko ya kukutoa kimaisha. |
Kwa
walio wengi hayo ndiyo mambo wanayoyaogopa sana katika maisha yao. Wewe je,ni
nini kinachokuogopesha kwenye maisha yako? Kama hakuna hongera sana.
Ansante
kwa kusoma makala haya na endelea kuwashirikisha wengine waweze kujifunza
kupitia DIRA YA MAFANIKIO kila wakati.
Ni
wako rafiki,
Imani
Ngwangwalu,
Simu;
0713 04 80 35,
Email;
dirayamafanikio@gmail.com
Subscribe to:
Post Comments
(
Atom
)
No comments :
Post a Comment
Note: Only a member of this blog may post a comment.