Mar 17, 2018
Misingi Bora Ya Ufugaji Wa Mbuzi Kibiashara.
Mbuzi ni moja ya wanyama ambao wanaweza kufugwa kwa gharama nafuu pia ni wavumilivu wa ukame na maradhi tofauti na ngo’mbe kwa kua wana umbile dogo wanaweza kufugwa katika eneo dogo na nguvu kazi ndogo na hata kwa wenye kipato kidogo.
Pia mbuzi huzaa (uzao) kwa muda mfupi ili
kumwezesha mfugaji kuwa na mifugo mingi kwa muda mfupi. Mbuzi wanaweza kufugwa
kwa ajili ya nyama, maziwa, ngozi na mazao mengine kwa matumizi ya
familia na kuongeza kipato.
NAMNA BORA YA UFUGAJI.
1. Wafugwe kwenye banda bora.
2. Chagua kulingana na sifa zao na lengo la ufugaji (uzalishaji) nyama au maziwa.
3. Walishwe chakula sahihi kulingana na umri.
4. Kuzingatia ushauri wa mtaalamu wa mifugo hasahasa namna ya udhibiti wa magonjwa.
5. Kuweka kumbukumbu za uzalishaji.
6. Kuzalisha nyama au maziwa bora yanaokidhi mahitaji ya soko.
2. Chagua kulingana na sifa zao na lengo la ufugaji (uzalishaji) nyama au maziwa.
3. Walishwe chakula sahihi kulingana na umri.
4. Kuzingatia ushauri wa mtaalamu wa mifugo hasahasa namna ya udhibiti wa magonjwa.
5. Kuweka kumbukumbu za uzalishaji.
6. Kuzalisha nyama au maziwa bora yanaokidhi mahitaji ya soko.
SIFA ZA ZIZI AU BANDA BORA LA MBUZI.
1. Banda bora linatakiwa liwe ni lenye kuweza kuwakinga mbuzi au
kondoo na mashambulizi ya wanyama wakali (hatari) na wezi.
2. Liwepo sehemu ambayo maji hayawezi kutuama.
3. Mabanda yatenganishwe kulingana na umri.
4. Liwe na ukubwa ambao linaweza kufanyiwa usafi.
Kama utafuga mbuzi kwa kuwafungia (shadidi)
muda wote zingatia yafuatayo:-
1. Banda imara lenye uwezo wa kuwahifadhi kiafya,upepo/mvua.
2. Lenye hewa ya kutosha.
3. Liwe na sakafu ya kichanja na sehemu ya kuwekea chakula na
maji.
4. Liwe na vyumba tofauti kwa kuweka vijitoto/wanao ugua/wanao
kua.
UJENZI WA BANDA LA MBUZI.
1. Banda lijengwe kwa
kutumia vifaa vilivyopo eneo husika na kwa kuzingatia uwezo wa mfugaji.
2. Kuta ziwe imara na zinazo ruhusu mwanga na hewa ya kutosha.
3. Mlango uwe na ukubwa wa 60X150 sentimeta.
4. Sakafu iwe ya udongo/zege ya kichanja unaweza kutumia mabanzi/mianzi na
iruhusu kinyesi na mikojo kudondoka chini.
5. Chumba cha majike na vitoto kiwe na sentimeta 1.25kati ya fito na fito au
papi na papi, chumba cha mbuzi wakubwa kiwe na sentimeta 1.9 kati ya mbao
na mbao.
Ansante kwa kuwa nasi katika makala haya ya ufugaji,
usikose sehemu ya pili ya somo lijalo jinsi ya kuchagua mbegu bora ya mbuzi wa
kuwafuga. Kama una maswali, maoni au ushauri kuhusu ufugaji tuandikie kwa poultrydm@gmail.com na kila la kheri katika ufugaji wako.
Subscribe to:
Post Comments
(
Atom
)
No comments :
Post a Comment
Note: Only a member of this blog may post a comment.