Nov 6, 2017
Tafuta Kwanza Kufanikisha Jambo Hili, Litakupa Mafanikio Sana.
Lipo jambo moja tu ambalo kila mtu
anayetafuta mafanikio anatakiwa alijue na kuweza kulifanyia kazi ili kuweza
kutengeneza mafanikio makubwa. Kushindwa kulijua vizuri jambo hili, sio rahisi kufanikiwa
kwa kiasi kikubwa.
Watu wengi wanajikuta ni watu ambao wanaishi
maisha ya kati, maisha ya kubahatisha kwa sababu ya kutokulijua vyema jambo
hili na matokeo yake kuleta hasara kwa maisha yao, kwa sababu tu ya kushindwa
kulijua.
Jambo ambalo unatakiwa ulijue ili uweze
kufanikiwa iwe kwenye biashara au kwa chochote kile unachokifanya, ni
lazima ujue namna ya kutoa huduma bora. Pasipo kujiweka upande wa kutoa
huduma bora uwe na uhakika utakwama.
 |
| Bila kujali unauza nini, toa huduma bora ya uhakika utafanikiwa. |
Ukiwaangalia viongozi wakubwa duniani
wanafanikiwa sana kwa sababu ya kujiwekea mazingira ya kuwa watumwa wa watu,
yaani wamekuwa ni viongozi wanaojali watu na kuwahudumia, mwisho wa siku nao hufanikiwa.
Pia hata wafanya biashara walio wakubwa zaidi
duniani, wanafanya biashara zao kwa kuhakikisha wanatoa huduma bora zaidi
ambayo haipatikani mahala popote. Kwa kutoa huduma hiyo, mafanikio humiminika
tu kwao.
Kutafuta mafanikio makubwa, hakuna njia ya
mkato zaidi ya kukubali kwanza wewe kuwa sehemu ya watu wanaotoa huduma bora
zaidi. Achana na habari ya kupata pesa, kama ni pesa zitakuja zenyewe kwa
kufuata huduma yako bora.
Kosa linalofanywa na wengi ni kuamua kufanya
biashara, lakini wakati huo huo wanakuwa ni watu ambao hawazingatii huduma
bora. Kama unafanya biashara kwa namna hii, nikwambie tu utafanya kweli, lakini
hutafika mbali sana.
Unatakiwa ufike mahali uachane na fikra za
kikale, unatakiwa kutengeneza wateja wengi zaidi ambao hao wateja hao
watakusaidia wewe kuweza kufanikiwa. Lakini hata hivyo jambo hilo halitakuja
kwa bahati mbaya zaidi ya wewe kutoa huduma bora.
Thamani unayotoa kulingana na huduma yako, hiyo
ndiyo itakayokupa mafanikio yako. Haijalishi utakuwa unafanya biashara gani au
kitu gani, lakini kikubwa kwako tafuta ile thamani kubwa inayostahili hapo
utafanikiwa.
Kila wakati ukitafuta kwanza kufanikisha juu
ya kutoa huduma bora, bila kujali mtaji wako ni mdogo, mtaji huo utakuwa mkubwa.
Kwa chochote unachokifanya hata kama unaona hakifanikiwi kwa sasa, itafika
wakati utaona mafanikio ya wazi kabisa.
Tunakutakia kila la kheri na endelea kutembelea
dirayamafanikio.blogspot.com kila siku kujifunza maisha na mafanikio.
DAIMA
TUPO PAMOJA MPAKA MAISHA YAKO YAIMARIKE,
Ni wako rafiki katika mafanikio,
Imani
Ngwangwalu,
Mshauri
wa mafanikio, mwandishi na mjasiriamali,
Mawasiliano;
+255 767 048 035, +255 713 048 035,
Email;
dirayamafanikio@gmail.com
Subscribe to:
Post Comments
(
Atom
)
No comments :
Post a Comment
Note: Only a member of this blog may post a comment.