Nov 13, 2017
Unahitaji Sana Kitu Hiki Ili Kikupe Mafanikio Yako Kila Siku.
Popote
pale ulipo kuwa hapo. Chochote kile ukifanyacho kifanye kifanye kwa kumaanisha
na nguvu zako zote weka hapo. Nguvu zako za uzingativu kwenye kile ukifanyacho
ni muhimu sana katika kukupa mafanikio.
Kazi
au kitu chochote kinachofanywa kwa kuweka nguvu za uzingativu eneo moja, kinatoa
sana thamani kubwa. Umuhimu na matunda ya kazi hiyo huonekana mara moja kwa
sababu unaifanya kwa umakini.
Ni hatari
sana kufanya kazi au kitu chochote huku akili yako ikiwa umeigawanya katika
maeneo mengi. Watu wengi wanashindwa kwenye maisha au wanafanya vitu ambavyo
havina faida na matunda kwa sababu ya kutokuweka uzingativu kwa yale
wayafanyayo.
 |
| Umakini wako unahitajika sana ili ufanikiwe. |
Naomba
kwako utambue hivi, unapoamua kufanya mambo mengi kwa wakati mmoja, kwa mfano, unasoma kitabu, halafu wakati huo simu yako iko wazi, unajibu meseji au unajibu
simu, kwa uhakika kitabu chako hutakisoma
vizuri.
Tena
wakati mwingine utakuta mtu huyo huyo anakula, lakini anataka aangalie ‘whats app’ au aangalie kitu kingine
kinachofanana na hicho. Kwa mwendo kama huo ufanisi unapotea sana na hujikuta
hakuna hata kitu kimoja kilichofanikiwa.
Unapokuwa
na mgawanyiko wa mambo mengi, halafu akili yako iko huku au kule ni ngumu sana
kuweza kutenda kile unachokitaka kwa ufasaha. Na hii ndio kasumba ambayo watu
wengi sana wanayo ya kufanya mambo mengi kwa wakati mmoja.
Matokeo
yake nini au nini kinatokea unapokuwa unataka ufanye mambo mengi kwa wakati
mmoja? Kinachokutokea si kingine bali ni msongo wa mawazo, maana karibu kila
kitu kitakuwa kimekwama.
Na kama
ungeamaua kuweka nguvu zako za uzingativu eneo moja, basi ungeweza kukamilisha
kitu, hata kama kitu hicho ni kidogo lakini ungeweza kukikamilisha na kingekupa
nguvu ya kusonga mbele zaidi.
Unachotakiwa
uelewe, nguvu ya uzingativu, umakini unahitajika sana kwa kile unachokifanya
ili uweze kufanikiwa. Pasipo kuwa makini na kuweka nguvu hii kwa pamoja kwa
kile unachokifanya ni ngumu sana kuweza
kufanikiwa kwako.
Kitu
chochote ambacho ni muhimu kwako, tumia muda wako wote hapo, usiyumbishwe na
kitu, kifanye kitu hicho. Kitendo cha kukimbilia kitu kingine, inaonyesha kitu
hicho si cha muhimu sana kwako.
Utabadilisha
sana maisha yako kwa sehemu kubwa kama kuanzia leo utaamua kuweka nguvu zako za
uzingativu au kuweka umakini katika eneo moja.
Mafanikio makubwa utayaona kwenye maeneo mengi ya maisha yako kwa wewe
kuwa makini.
Hivyo
hatua unayotakiwa kuchukua leo, ni kuanza kuweka umakini au nguvu za uzingativu
katika kila kitu, nimesema kila kitu usiache kitu chochote kipite au kifanye
akili yako ikawa imegawanyika.
Anza
kuweka ngvu za uzingativu kwenye kazi yako unayoifanya. Ikifika masaa ya kazi
yako, jione kwa asilimia zote kwamba sasa huu ni muda wa kazi ambao nakwenda
kufanya na kusiwe na mwingiliano wa aina yoyote.
Anza
kuweka nguvu zako za uzingativu kwa familia yako, hapa nikiwa na maana
unapokuwa na familia yako, akili yako yote weka hapo. Usifanye kosa unapokuwa
na familia halafu ukajifanya wewe ndio mtu wa kuongea sana na simu, utaharibu
mahusiano.
Umakini
ni kitu ambacho unakihitaji sana ili uweze kufanikiwa. Utashindwa sana kwenye
maisha yako ikiwa utakosa umakini au nguvu za uzingativu kwa kile unachokifanya,
hivyo unatakiwa kuwa makini.
Washindi
katika maisha ni watu makini na wanaweka nguvu za uzingativu katika neo moja. Tafadhari
kuanzia leo kuwa miongoni mwao kwa kuweka umakini kwa kila unachokifanya na pia
utafanikiwa sana.
Tunakutakia kila la kheri na
endelea kutembelea dirayamafanikio.blogspot.com kila siku kujifunza maisha na
mafanikio.
DAIMA TUPO PAMOJA MPAKA MAISHA YAKO
YAIMARIKE,
Ni
wako rafiki katika mafanikio,
Imani Ngwangwalu,
Mshauri wa mafanikio, mwandishi na
mjasiriamali,
Mawasiliano; +255 767 048 035, +255 713
048 035,
Email; dirayamafanikio@gmail.com
Subscribe to:
Post Comments
(
Atom
)
No comments :
Post a Comment
Note: Only a member of this blog may post a comment.