Oct 11, 2017
Hivi Ndivyo Unavyoweza Kutabiri Mafanikio Yako Ya Kesho Yatakuwaje.
Wapo
watu ambao wana uwezo wa kutabiri maisha yao ya kesho yatakuwaje. Watu hawa
wapo na wanafanya hivyo na kufanikiwa, lakini si kwa sababu wana kipaji, au wana uwezo wa
ziada, wanafanya hivyo kwa sababu wana mbinu au njia za kuwawezesha kujua
hivyo.
Mbinu
hizo ambazo wanazitumia na kuweza kuelewa kesho yao katika maisha itakuwa vipi,
hata wewe unaweza ukawa na mbinu au njia hizo na kujua kwa wazi kumbe 'aah kesho
au baada ya muda fulani maisha yangu yatakuwa hivi au vile.'
Kama
nilivyokwambia mbinu hizi kumbuka hazitegemei sana uwezo wako, wala hazitegemei
sana unawajua wakina nani au wewe una kipaji fulani ndani yako ndio uzitumie
kuweza kufanikiwa, hapana.
Watu
waliofanikiwa wamemudu sana katika hili kuweza kutumia mbinu hizo na kuwawezesha
kufanikiwa kila siku iitwapo leo. Na kwa msingi huo huendelea kutumia mbinu
hizi tena na tena kupata mafanikio zaidi.
Ni rahisi
tu kuweza kuzijua mbinu hizi ambazo zinaweza zikakufanya na wewe ukajua kesho yako
itakuwaje. Kivipi hili linawezekana? Ni kitendo cha wewe kuweka malengo yako na
kuamua kuchukua hatua kila siku za kukufikisha kwenye ndoto zako. Ni rahisi
tu kama hivyo, huamini?
Ipo hivi,
unapoweka malengo halafu ukaamua kufa na ndoto zako, hakuna kitu ambacho
kitaweza kukuzuia kuweza kufanikiwa. Hapo ni lazima utaweza kufanikiwa na
kufika juu kwenye mafanikio yako.
Hii haijalishi
unaishi wapi au wewe ni mtu wa kutoka koo au kabila gani, ukijua malengo yako
vizuri ambayo unayoyahitaji na halafu ukaweka mikakati ya kuweza kuchukua hatua
kila siku utatake usitake utaweza kufanikiwa.
Umeiona
eeeh jinsi ilivyo rahisi kuweza kujua kesho yako itakuwaje? Huhitaji kwenda kwa
mganga wa kienyeji wala huhitaji kupiga ‘ramli’,
kama huna malengo na huchukui hatua yoyote, tegemea anguko kubwa la maisha
yako.
Lakini
ukijitoa kweli usiku na mchana na kujipa ahadi kwamba mimi nitafanya kila
linalowezekana mpaka natimiza ndoto zangu uwe na uhakika utafanikiwa katika
hilo na hivyo ndivyo utamudu kuwa mtabiri mkubwa wa maisha yako.
Tunakutakia kila la kheri na endelea kutembelea dirayamafanikio.blogspot.com kila siku kujifunza maisha na mafanikio.
DAIMA TUPO PAMOJA MPAKA MAISHA YAKO
YAIMARIKE,
Ni
wako rafiki katika mafanikio,
Imani Ngwangwalu,
Mshauri wa mafanikio, mwandishi na mjasiriamali,
Mawasiliano; +255 767 048 035, +255 713
048 035,
Email; dirayamafanikio@gmail.com
Subscribe to:
Post Comments
(
Atom
)
No comments :
Post a Comment
Note: Only a member of this blog may post a comment.