Oct 2, 2017
Jinsi Ya Kuelewa Kwa Nini Unashindwa Kufanikiwa Kwenye Maisha Yako.
Kushindwa
katika maisha au kushindwa katika jambo la aina fulani unalolifanya katika
maisha yako, ni kitu ambacho kinatokea karibu kwa kila mtu. Hakuna mtu ambae
ana uwezo wa kusema kwamba hajawahi kushindwa. Mtu huyu hayupo.
Lakini
hata hivyo, kushindwa huko tunakokuzungumzia kupo kwa aina mbili. Kuna kushindwa
kwa mambo machache na kuna kule kushindwa kwenye mambo mengi sana kwenye maisha
yako, kiasi kwamba unajiona kama hujafanikiwa kabisa.
Leo kupitia
makala haya nataka tuzungumzie aina hii ya pili ya kushindwa yaani kushindwa
kabisa kuona mafanikio katika maisha yako kwa ujumla. Nimesema tunazungumzia
aina hii ya pili ya kushindwa kwa sababu hapa ndipo kuna tatizo kubwa kwa wengi.
Kila
mtu, ikiwemo na wewe ni shahidi kuwa maisha ya watu wengi ni ya kushindwa sana.
Ukiangalia wale wanaokuzunguka au wewe mwenyewe, huhitaji kutafuta ushuhuda
mkubwa sana kuthibitishsa hili kwani linaonekana kwa wazi.
Sijui
sana, kama umeshawahi kujiuliza kwa nini watu wengi wanashindwa, kwa nini
maisha ya watu wengi yamekuwa magumu kwa idadi kubwa, ukilinganisha na wachache
ambao wameonekana wakifaidi matunda ya hii dunia.
Inawezekana
zipo sababu ambazo zimejificha ambazo wewe hujui na kwa hiyo hata maisha ya
watu wengi unapoona magumu au hata ya kwako pia, umekuwa ukichukulia ‘poa’ tu kwamba ndio utaratibu wa maisha
jinsi yalivyo.
Kwa kuwa
wewe ni rafiki yangu na tumekuwa wote kwa muda mrefu ukinifatilia kwa namna
moja au nyingine, leo nataka nikupe siri ya kwanini unashindwa kufanikiwa kwenye
maisha yako kufikia vile viwango unavyotaka?
Najua
kuna maisha fulani hivi umekuwa ukiyatamani au ukiyawazia kweli, kwamba, ‘laaa, nikiwa na maisha haya au nikipata
maisha haya basi nitakuwa naona dunia ni mahala salama,’ sasa kutokana na
kushindwa huko unaiona dunia hovyo.
Kwa kawaida
na kitaalamu iko hivi, unashindwa sana kwenye maisha kwa sababu ya kuendelea
kutoa visingizio visivyo na vikomo kwenye maisha yako. Kama unataka kujua kwa nini
unashindwa kwenye maisha yako angalia kwanza VISINGIZIO VYAKO.
Umekuwa
ni mtu wa visingizio vingi sana kwamba hufanikiwi kwa sababu hii au ile. Visingizio
vimekuwa ni sumu kubwa sana ya mafanikio kwa wengi. Kama leo unahitaji
kufanikiwa unatakiwa kuukata mzizi huu wa visingio mara moja na kuutupa mbali.
Usiendelee kutoa visingizio vyovyote vya wewe kushindwa kufanya jambo fulani. Visingizio vyako havina nia nzuri ya kufanya maisha yako yawe bora. Utakuwa ni mtu wa kuanguka sana kama ukiendekeza visingizio vyako visivyo na msingi.
Washindi
katika maisha ni watu ambao hawatoi visingizio kabisa, ni watu ambao wanajua
kujipanga na kuchukua hatua. Watu hawa wenye mafanikio wamegundua kwamba
visingizio havina msaada kabisa kwenye kufanikiwa zaidi ya kukurudisha nyuma.
Ndio
maana kama unaona ni utani, zunguka dunia nzima mtafute mtu ambae ana visingizio
vingi sana halafu amefanikiwa. Mtu wa namna hii hutaweza kumpata hata ufanyaje,
hayupo kabisa.
Kwa hiyo
unaona kabisa ili, kuelewa kwa nini unashindwa kwenye maisha yako, huhitaji
kutafuta mtabiri wala mpiga ramli, angalia ni visingizio gani unavyotoa. Utagundua
hapo ndipo anguko lako la kushindwa kufikia mafanikio makubwa linapoanzia.
Kumbuka,
kama hutaki kuendelea kushindwa, weka visingizo pembeni. Hakuna maelezo mazuri
ambayo utayatoa eti kwa nini hujafanikiwa. Nimesema hakuna visingizio. Uamuzi
wa kufanikiwa uko kwako kwa kuamua kuweka visingizio mbali kabisa.
Tunakutakia kila la kheri na
endelea kutembelea dirayamafanikio.blogspot.com kila siku kujifunza maisha na
mafanikio.
DAIMA TUPO PAMOJA MPAKA MAISHA YAKO
YAIMARIKE,
Ni
wako rafiki katika mafanikio,
Imani Ngwangwalu,
Mshauri wa mafanikio, mwandishi na mjasiriamali,
Mawasiliano; +255 767 048 035, +255 713
048 035,
Email;
dirayamafanikio@gmail.com
Subscribe to:
Post Comments
(
Atom
)
No comments :
Post a Comment
Note: Only a member of this blog may post a comment.