Oct 13, 2017
Kama Utafanya Mambo Haya, Ndiyo Yatakayokupa Mafanikio Yako.
Hivi
umeshawahi kutaka kufanya jambo la aina fulani, halafu akili yako ikagoma na
kuona kabisa jambo hilo haliwezekani? au umeshawahi kuona watu wakisema kwamba
aah jambo lile sio rahisi sana kuweza kulifanikisha?
Najua
kitu cha namna hiyo umewahi kukiona. Lakini leo nataka uende kinyume, kwa kujifunza kufanya yale mambo ambayo yanasemwa
sana kwamba hayawezekani au hayafanyiki. Naelewa umesikia sana ikisemwa jambo
hili ni gumu au haliwezekani kufanyika.
Unaposikia
kwamba jambo hili gumu au kufanyika kwake ni kazi kubwa sana, basi hapo ndipo
kuna mavuno ya mafanikio, hapo ndipo kuna njia ya wazi ya kuweza kukusaidia
kufanikiwa ipo, kuliko kukimbilia ile sehemu rahisi unayoiona.
Hebu
jaribu kufikiri ambapo kila mtu anasema hawezi kufanya jambo fulani, halafu
wewe ndio mtu pekee unasema naweza, kitu gani kinatatokea hapa? Ni lazima utafanikiwa
na hakuna kitakachokuzuia.
Mara
nyingi mafanikio yoyote yale yanakuja kutokana na kufanya mambo ambayo watu
wengi hawewezi kufanya. Kama jambo unalolifanya kila mtu analifanya, kufanikiwa
kwake inakuwa ni ngumu kwa sababu ya ushindani wake unakuwa mkubwa.
Kuwa
mtu ambaye unathubutu, kuwa mtu ambaye utajitoa muhanga kufanikisha jambo lile
ambalo kila mtu anasema hawezi. Huhitaji maarifa ya ziada au kitu kingine
tofauti, ni wewe tu kuamua kujitoa na kusema moyoni mwako kwamba naweza.
Kitu
kinachokufanya ushindwe kufanya mambo ambayo unaona kama hayawezekani kinakuja
kutokana na wewe kujidharau na kujiweka pembeni na kuamini kwamba kuna watu
fulani ambao ni kama wateule ndio eti wanaweza.
Ninachotaka
kukwambia ni hivi, hata wewe unaweza. Amua kuchukua hatua na kukubali kufanya
kila linawezekana kufanya yale mambo ambayo yamesemwa hayewezekani. Tenga muda wako,
na hakikisha unafanyia kazi jambo hilo na litafanikiwa kweli.
Kuendelea
kulaumu na kulalalamika kila siku, kutaendelea kukuweka kwenye hali mbaya.
Kubali kukutana na changamoto, lakini fanya mambo ambayo wengine wanayakimbia,
huko ndiko unakotakiwa kukimbilia ili kujenga mafanikio makubwa.
Angalia
yale mambo ambayo hayawezekani, halafu amua kuyafanya wewe ukawa mtu wa kwanza
kuyafanya mambo hayo. Usijali ukubwa wake, chukua hatua za kuhakikisha
unayafanya na hili litakiusaidia kuyafanikisha.
Maisha
yako utayabadilisha sana kwa kufanya yale mambo ambayo yanaogopwa na wengi na
wewe ikiwa utaamua kuwa kinara kwa kuyafanya kwa kishindo chote na kwa uhakika
mkubwa. Ukiamua inawezekana, ‘do what cant be done.’
Kama
unapenda kujifunza zaidi kuhusu mafanikio, fursa za mafanikio zinapopatikana,
ajira pamoja na uwekezaji, karibu kwenye kundi la WHATS APP LA MAFANIKIO, kujiunga tuma neno THE UNIVERSITY OF WINNER’S kwenda 0713 048 035, hapo utapata utaratibu mzima wa kujiunga.
Pia
kama wewe ni mfugaji wa kuku na unahitaji kuuziwa vifaranga bora na kwa bei
nafuu, waone DM POULTRY FARM PROJECT
kwa huduma ya uhakika. Hawa ni wauzaji wa vifaranga wa kuku aina ya KUROILER, SASSO, PURE KIENYEJI na KUCHI.
Kwa mahitaji ya vifaranga wasiliana nao kwa 0767 048 035 au 0686 141097 na bei kwa kila kifaranga ni tsh.
1800/=. Wote manakaribishwa.
Tunakutakia kila la kheri na
endelea kutembelea dirayamafanikio.blogspot.com kila siku kujifunza maisha na
mafanikio.
DAIMA TUPO PAMOJA MPAKA MAISHA YAKO
YAIMARIKE,
Ni
wako rafiki katika mafanikio,
Imani Ngwangwalu,
Mshauri wa mafanikio, mwandishi na
mjasiriamali,
Mawasiliano; +255 767 048 035, +255 713
048 035,
Email; dirayamafanikio@gmail.com
Subscribe to:
Post Comments
(
Atom
)
No comments :
Post a Comment
Note: Only a member of this blog may post a comment.