Jan 23, 2018
Fanya Jambo Hili Tu, Pale Unapoona Maisha Yako Hayaeleweki.
Inapotokea
pale unaona maisha yako yanakuwa magumu sana na unaona kama ulimwengu wote
unakusaliti kitu pekee ambacho unatakiwa ukifanye kwa wakati huo jiweke bize,
fanya kitu kitakacho kushughulisha sana kwa siku nzima.
Inapotokea
tena unaona huna kitu mfukoni mwako na
unajiona wewe ndio maskini wa kutupwa, amua kujiweka bize kwa kwa kufanya kazi
kwa bidii sana, tafuta kitu kitakachokupa changamoto na kukutoa hapo ulipo.
Inapotokea
wewe unajiona ni mtu wa kuonewa na kutaka kulalamika sana, futa kwenye akili
yako kuonewa huko. Kitu cha kufanya anza kujiweka bize kwa mambo yako na
kuonewa huko ambako unafikiri hautakuona tena zaidi utaona amani tu kwako.
Inapotokea
kwenye maisha yako umejawa na woga na hofu hadi kufika mahali huoni tumaini lolote
mbele yako, tena kitu cha kufanya hapo ni kujishughulisha na kuwa bize zaidi
kila wakati kwenye maisha yako.
Zipo
nyakati nyingi ngumu ambazo zinakuwa zinatutokea kama hizi ambazo nyakati hizo
hufungua milango ya kutaka kutufanya sisi tuyaone maisha yetu ni magumu na
tumechelewa sana. Unatakiwa kujua inapotokea hali kama hii kumbuka kuwa bize.
Unapokuwa
bize ni dawa pekee ambayo inakusaidia wewe kusahau kila kitu na mwisho wa siku
unajikuta ndoto zako zimetimia mapema sana kuliko unavyoweza kufikiria hapo
awali. Hivyo kujishughulisha ni kitu cha msingi sana kwako.
Pale
unapokuwa bize na kufanya mambo yako, pia inakusaidia kuweza kuona fursa nyingine
zaidi. Kwa tahadhari hapo, kuwa bize kwa
yale mambo ya msingi tu, usiwe bize kwa mambo ambayo hayawezi kukupa faida kwako.
Ukweli
na uhalisia ambao naweza kukupa katika maisha ndio huo. Unajiwekea mikakati ya
kushughulisha hata kama inatokea hali gani kwako, wewe jiweke bize hiyo ni dawa
kubwa sana kwako ya kuweza kukufanya uweze kusonga mbele kwenye maisha yako.
Kuanzia
sasa amua kujishughulisha sana kwenye mambo yako. Usikubali muda upite hivi. Kama
utajishulisha kila wakati kwanza hiyo itakupa mafanikio, pia si hivyo tu inakusaidia
kuweza kupata fursa na mafanikio mengine kwako.
Ndio
maana tumekwambia pale unapoona maisha hayaeleweki, yamekuwa kama ya hovyo
sana, ni jukumu lako kuwa bize ili usiweze kukaribisha msongo wa mawazo na
mawazo yasiyo na maana kwako tena.
Fanyia kazi haya na chukua
hatua kuhakikisha ndoto zako zinatumia.
Tunakutakia kila la kheri na
endelea kutembelea dirayamafanikio.blogspot.com kila siku kujifunza maisha na
mafanikio.
DAIMA TUPO PAMOJA MPAKA MAISHA YAKO
YAIMARIKE,
Ni
wako rafiki katika mafanikio,
Imani Ngwangwalu,
Mshauri wa mafanikio, mwandishi na
mjasiriamali,
Mawasiliano; +255 767 048 035, +255 713
048 035,
Subscribe to:
Post Comments
(
Atom
)
No comments :
Post a Comment
Note: Only a member of this blog may post a comment.